പത്തനംതിട്ട: വാഴത്തോട്ടത്തില്‍ നിന്ന് പതിവായി വാഴക്കുലകള്‍ മോഷ്ടിച്ച് പന്തളം ചന്തയില്‍ എത്തിച്ച് വില്‍പ്പന നടത്തിവന്ന മൂന്ന് പേരെ പന്തളം പോലീസ് അറസ്റ്റ് ചെയ്തു.
വെണ്‍മണി കല്യാത്ര തെക്കേഭാഗത്ത് തെക്കേതില്‍ നിഖില്‍(20), വാലില്‍വടക്കേതില്‍ ചന്തുകുമാര്‍(19), പുതുശ്ശേരി മുറിയില്‍ മോനു എന്നു വിളിക്കുന്ന ജിജോ പി. ജയിംസ് (21) എന്നിവരെയാണ് പന്തളം പോലീസ് അറസ്റ്റ് ചെയ്തത്. സംഘത്തിലെ ഒരാളേക്കൂടി പിടികൂടുവാനുണ്ട്. ഇവര്‍ വാഴക്കുല കടത്താന്‍ ഉപയോഗിച്ച് രണ്ട് ബൈക്കുകളും പോലീസ് കസ്റ്റഡിയില്‍ എടുത്തു.
പന്തളം ചന്തയില്‍ ചാക്കില്‍ വാഴക്കുലയെത്തിച്ച് വില്‍ക്കാന്‍ ശ്രമിക്കുമ്പോള്‍ കച്ചവടക്കാര്‍ക്ക് സംശയം തോന്നി പോലീസില്‍ അറിയിക്കുകയും സംഘം കുടുങ്ങുകയുമായിരുന്നു.
പ്രതികരിക്കാൻ ഇവിടെ എഴുതുക: