ഫൈനല് മത്സരത്തില് തങ്ങളുടെ വള്ളങ്ങളെ പ്രത്സാഹിപ്പിക്കുന്ന കാണികള്
ആലപ്പുഴ: പുന്നമടയില് ആവേശം അലകടലായി കാണികള് ആര്ത്ത് ഇരമ്പി. മഴ മാറിനിന്നതും നല്ല തെളിഞ്ഞ അന്തരിക്ഷവും കാണികള പുന്നമടയിലേക്ക് ആകര്ഷിച്ചു. വിദേശികളും സ്വദേശികളും ഉള്പ്പെടെ ഗ്യാലറികള് വള്ളം കളിപ്രമികളാല് നിറഞ്ഞു.
ആടിയും പാടിയും തപ്പ് കൊട്ടിയും ആര്പ്പോ ഇര്റോ വിളിച്ച് കാണികള് മത്സരം ആവേശത്തിലിക്കി മത്സരത്തിന് ഇടയില് തങ്ങളുടെ വള്ളങ്ങളെ പ്രോല്സാഹിപ്പിക്കാന് കായലില് ചാടി ഇറങ്ങി തുഴക്കാര്ക്ക് ആവേശം പകര്ന്നു. മത്സരം തുടങ്ങുന്നതിന് മുമ്പുതന്നെ ബോട്ടില് കാണികളെ അഭിവാദ്യം ചെയ്ത് വേദിയില് എത്തിയ നടന് ജയറാം കാണികളുടെ കയ്യടി നേടി.
മുഖ്യാതിഥി ഗവര്ണ്ണര് സദാശിവവും ഭാര്യയും കളിക്കിടയില് ആവേശഭരിതരായി ഫോണില് മത്സരം പകര്ത്തി. ഇവര്ക്കൊപ്പം വേദിയിലെ വിശിഷ്ട വ്യക്തികളും കൂടിയപ്പോള് നെഹ്റുപവലിയനിലും ആവേശം ഉയര്ന്നു. തൊട്ടുസമീപത്തെ മരങ്ങളിലും വലിയ കെട്ടിടങ്ങള്ക്ക് മുകളിലുംവരെ മത്സരം കാണാന് കാണികള് കയറി. ഫൈനല് മത്സരത്തില് നിരവധി തവണ ട്രോഫി നേടിയ വള്ളങ്ങള് എല്ലാം ഒന്നിച്ച് തുഴഞ്ഞപ്പോള് കാണികളും തങ്ങളുടെ വള്ളം മുന്നേറാന് ആര്ത്ത് വിളിച്ച് തുള്ളിച്ചാടുന്ന കാഴ്ചയും പുന്നമടയില് ആവേശത്തിരയായി.
ഒടുവില് 14-ാം തവണയും കാരിച്ചാല് ജേതാവായപ്പോള് കാണികളും അവര്ക്കൊപ്പം കൂടി നൃത്തം വച്ചു. ഓണത്തിന്റെ വരവ് അറിയിച്ച് ഒരു മത്സരം കുടി പുന്നമടയില് സമാപിച്ചപ്പോള് അടുത്ത ഓഗസ്റ്റ് മാസത്തില് വിണ്ടും കാണാം എന്ന് പറഞ്ഞ് മത്സരത്തിന് ഇടയില് പരസ്പരം പോരുവിളിച്ചവര് ആശംസകള് അര്പ്പിച്ചു മടങ്ങി.
