പരവൂര്: ലൗ ജിഹാദും ഭീകരവാദ പ്രവര്ത്തനവും കേരളം കടുത്ത ഭീഷണിയില്. സംസ്ഥാനത്തിനകത്ത് നിന്ന് യുവതീയുവാക്കളെ കാണാതായ സാഹചര്യങ്ങള് കണക്കിലെടുത്ത് തീരദേശ മേഖലകളില് ശക്തമായ നിരീക്ഷണം നടത്തണമെന്ന് ഹിന്ദു ഐക്യവേദി ആവശ്യപ്പെട്ടു.
പുറ്റിങ്ങല് വെടിക്കെട്ട് ദുരന്തവും കൊല്ലം കളക്ട്രേറ്റ് സ്ഫോടനവും ഏറെ ഗൗരവമായികണ്ട് ഉന്നതതല അന്വേഷണം നടത്തണമെന്ന് ഹിന്ദുഐക്യവേദി പരവൂര് മുനിസിപ്പല് സമിതി യോഗത്തില് ജില്ലാ വൈസ് പ്രസിഡന്റ് അശോകന് വാളത്തുംഗല് ആവശ്യപ്പെട്ടു. പരവൂരിലെ തീരദേശ മേഖലയിലെ റിസോര്ട്ടുകളിലും ചില ആരാധനാലയങ്ങളിലും രാജ്യത്തിന് പുറത്തുനിന്നുള്ളവര് വരുന്നുണ്ടെന്നും അവരുടെ കൃത്യമായ വിവരങ്ങള് കണ്ടെത്താന് ഇവിടങ്ങളില് പോലീസ് നിരീക്ഷണം നടത്തണമെന്നും അദ്ദേഹം പറഞ്ഞു.
യോഗത്തില് ഹിന്ദു ഐക്യവേദി മുനിസിപ്പല് സമിതി രക്ഷാധികാരിയായി അശോക്കുമാര്, പ്രസിഡന്റായി സി.രാധാകൃഷ്ണന്, വൈസ് പ്രസിഡന്റാ യി ബിനു, ജനറല് സെക്രട്ടറിയായി അനില്കുമാര്, സെക്രട്ടറിയായി സന്തോഷ്, ഖജാന്ജിയായി സുരേഷ് ബാബു, അംഗങ്ങളായി ഗോപാലകൃഷ്ണന്, സുനില്കുമാര് എന്നിവരേയും തെരഞ്ഞെടുത്തു. യോഗത്തില് താലൂക്ക് ജനറല് സെക്രട്ടറി പ്രവീണ്, മാങ്കുളം രാജേഷ്, എസ്.കെ.ഉദയകുമാര് എന്നിവര് സംസാരിച്ചു.
