മുക്കം: റോഡരുകിലെ വിലപിടിപ്പുള്ള മരം ലേലം ചെയ്തു വില്പ്പന നടത്തിയതിലെ കള്ളക്കളി ചൂണ്ടിക്കാട്ടി പരാതി നല്കിയ പൊതുപ്രവര്ത്തകന് പൊതുമരാമത്ത് അധികൃതരുടെ വിരട്ടല്. മാമ്പറ്റ വട്ടോളിപ്പറമ്പ് റോഡരികിലെ മരം ലേലം ചെയ്തതും നിസ്സാര വിലയ്ക്ക് വില്പന നടത്തിയതും സംബന്ധിച്ച് പരാതിപ്പെട്ട പി. ബാലകൃഷ്ണനാണ് അധികൃതരുടെ വിരട്ടലിന് വിധേയനായത്.
ഏകദേശം നാലു ലക്ഷം രുപ വിലമതിക്കുന്ന മരം കേവലം 25000 രൂപയ്ക്ക് ലേലമുറപ്പിക്കുകയും ലേലം കൊണ്ടവരോട് വന്തുകയ്ക്ക് വാങ്ങിയവര് മുറിക്കാനെത്തുകയും ചെയ്തതോടെയാണ് പരാതി നല്കിയത്. പരാതി സ്വീകരിച്ച പൊതുമരാമത്ത് അസി.എഞ്ചിനീയര് പരാതിക്കാരനോട് നാലു ലക്ഷം രൂപയും വിവിധ ടാക്സുകളും അടങ്ങുന്നതുകയ്ക്കുള്ള ഡി.ഡി.സഹിതം പരാതി നല്കാനാണ് രേഖാമൂലം ആവശ്യപ്പെട്ടത്.
ലേലതുകനാലു ലക്ഷത്തില് കുറവായാല് പരാതിക്കാരനോട് ഈടാക്കുമെന്ന മുന്നറിയിപ്പുമുണ്ട്. പരാതിക്കാരനെ വിരട്ടി പിന്തിരിപ്പിക്കാനുള്ളഎഞ്ചിനീയറുടെ നീക്കത്തിനെതിരെ വകുപ്പു മന്ത്രിക്കും ഉന്നത അധികൃതര്ക്കും ബാലകൃഷ്ണന് പരാതി നല്കി .
