പയ്യന്നര്: ബിഎംഎസ് പ്രവര്ത്തകന് സി.കെ.രാമചന്ദ്രന്റെ കൊലപാതകത്തില് പ്രതിഷേധിച്ച് കക്ഷിരാഷ്ട്രീയ ഭേദമന്യേ അന്നൂരില് സംഘടിപ്പിച്ച കൂട്ടായ്മയില് പങ്കെടുക്കാമെന്നേറ്റ് പിന്മാറിയ പ്രമുഖ സാംസ്കാരിക പ്രവര്ത്തകന് പി.അപ്പുക്കുട്ടന് അവസാന നിമിഷം പിന്മാറി പരിഹാസ്യനായി. ഇടതുപക്ഷ ചിന്തകരടക്കം അന്നൂര് മേഖലയിലെ പൗരാവലി ഒന്നടങ്കം പങ്കെടുത്ത പരിപാടി രാഷ്ടീയ മുതലെടുപ്പ് എന്ന് ആരോപിച്ചാണ് അദ്ദേഹം പിന്മാറിയത്. സി.പി.എമ്മിന്റെ അക്രമ രാഷ്ടീയത്തില് പ്രതിഷേധിക്കുക എന്ന തലക്കെട്ടോടെ പ്രിന്റ് ചെയ്ത് വിതരണം ചെയ്ത നോട്ടീസില് പ്രാസംഗികനായി പി.അപ്പുക്കുട്ടന്റെ പേര് ഉണ്ടായിരുന്നു. ഈ പരിപാടി തീരുമാനിച്ചുറപ്പിച്ച ശേഷം സ്ഥലത്ത് സിപിഎം സംഘടിപ്പിച്ച വിശദീകരണ യോഗത്തില് അദ്ദേഹത്തെ പങ്കെടുപ്പിക്കുകയും പൗരസമിതിയുടെ പരിപാടിയില് പങ്കെടുക്കുന്നതില് നിന്ന് വിലക്കുകയും ചെയ്യുകയായിരുന്നു. ചടങ്ങില് പങ്കെടുക്കാമെന്നേറ്റ സി.വി.ബാലകൃഷ്ണന്, എം.ടി.അന്നൂര് എന്നിവരും പരിപാടിയില് പങ്കെടുക്കാനെത്തിയില്ല. സിപിഎമ്മിന്റെ ഭീഷണിയെ തുടര്ന്നാണ് ഇവരുടെ പിന്മാറ്റമെന്നാണ് സൂചന.
പൗരസമിതി പ്രതിഷേധയോഗം: സാംസ്കാരിക പ്രവര്ത്തകന്റെ പിന്മാറ്റം പരിഹാസ്യമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.