പയ്യാവൂര്: നിയമം നടപ്പിലാക്കുമ്പോള് ജനപ്രതിനിധികളും ഉദ്യോഗസ്ഥരും വ്യാപാരികളുടെയും കുടുംബാംഗങ്ങളുടെയും ഉപജീവന മാര്ഗമാണ് കച്ചവടമെന്ന വസ്തുത ഓര്മ്മിക്കണമെന്നും അവര്ക്ക് അര്ഹമായ മാനുഷിക പരിഗണന നല്കണമെന്നും കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി.നസറുദ്ദീന്. പയ്യാവൂര് യൂണിറ്റ് ജനറല് ബോഡി സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രശ്നങ്ങള് ഉണ്ടാവുമ്പോള് യൂണിറ്റ് കമ്മറ്റികള് മേല് കമ്മറ്റികളുടെ മാര്ഗനിര്ദ്ദേശങ്ങള് നേടണമെന്നും അദ്ദേഹം ചൂണ്ടിക്കാട്ടി. സംസ്ഥാന ട്രഷറര് ദേവസ്യ മേച്ചേരി അധ്യക്ഷത വഹിച്ചു. സംസ്ഥാന സെക്രട്ടറിയേറ്റ് അംഗം സേതുമാധവന്, ജില്ലാ ജനറല് സെക്രട്ടറി ടി.ബാഷിദ്, സി.സി.വര്ഗ്ഗീസ്, കെ.ശ്രീധരന്, സിദ്ദിഖ്, ജോര്ജ് തോണിക്കല്, എം.എം.ആന്റണി എന്നിവര് പ്രസംഗിച്ചു. യൂണിറ്റ് പ്രസിഡന്റായി ദേവസ്യ മേച്ചേരിയേയും, വര്ക്കിംഗ് പ്രസിഡന്റായി ടോമി പറത്താനത്തിനെയും, ജനറല് സെക്രട്ടറിയായി വി.പി.അബ്ദുള് ഖാദറിനെയും, ട്രഷററായി കെ.വി.പ്രകാശനെയും തെരഞ്ഞെടുത്തു.
നിയമം നടപ്പിലാക്കുമ്പോള് വ്യാപാരികള്ക്ക് മാനുഷിക പരിഗണന നല്കണം: ടി.നസറുദ്ദീന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.