പയ്യന്നൂര്: ബിഎംഎസ് പയ്യന്നൂര് മേഖലാ പ്രസിഡണ്ട് അന്നൂരിലെ സി.കെ.രാമചന്ദ്രനെ സിപിഎം ക്രിമിനല് സംഘം വീട്ടില് കയറി വെട്ടിക്കൊലപ്പെടുത്തിയതില് പ്രതിഷേധിച്ച് അന്നൂര് പൗരാവലി നടത്തുന്ന പ്രതിഷേധ സദസ്സ് 31 ന് വൈകുന്നേരം 4 മണിക്ക് അന്നൂര് വില്ലേജ് ഹാളില് നടക്കും. സി.കെ.രാമചന്ദ്രന്റെ കൊലപാതകത്തില് പ്രതിഷേധിക്കുക, ഹിംസയുടെ രാഷ്ട്രീയത്തെ പടിക്ക് പുറത്ത് നിര്ത്തുക എന്ന സന്ദേശമുയര്ത്തി നടത്തുന്ന കൂട്ടായ്മയില് സി.വി.ബാലകൃഷ്ണന്, പി.അപ്പുക്കുട്ടന് മാസ്റ്റര്, എം.ടി.അന്നൂര്, കെ.രാമചന്ദ്രന് തുടങ്ങിയവര് സംസാരിക്കും. സമാധാന അന്തരീക്ഷം നിലനില്ക്കുന്ന അന്നൂരില് സിപിഎം സംഘം നടത്തിയ ഏകപക്ഷീയമായ അക്രമത്തിലാണ് രാമചന്ദ്രന് കൊല്ലപ്പെട്ടത്. എല്ലാ വിഭാഗത്തിലും പെട്ടവര്ക്ക് സര്വ്വസമ്മതനായ സികെ എന്ന സി.കെ.രാമചന്ദ്രന്റെ നിഷ്ഠൂരമായ കൊലപാതകത്തില് പ്രദേശത്ത് വ്യാപകമായ അമര്ഷവും പ്രതിഷേധവും നിലനില്ക്കുകയാണ്. മറ്റ് തൊഴിലാളി യൂനിയനുകളില്പ്പെട്ടവര്ക്ക് പോലും ആശ്രയിക്കാവുന്ന നേതാവായിരുന്നു അദ്ദേഹം. രാമചന്ദ്രനെ കൊന്നത് സിപിഎമ്മുകാര് തന്നെയാണെന്ന് മുഖ്യമന്ത്രി പിണറായി വിജയന് വെളിപ്പെടുത്തിയിരുന്നു. ഇത്തരമൊരു സാഹചര്യത്തിലാണ് പൗരാവലി പ്രതിഷേധ സദസ്സ് സംഘടിപ്പിക്കുന്നത്.
ബിഎംഎസ് മേഖലാ പ്രസിഡണ്ടിന്റെ കൊലപാതകം അന്നൂര് പൗരാവലിയുടെ പ്രതിഷേധ സദസ്സ് 31 ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.