കീഴല്ലൂര്: ഇരു വൃക്കകളും തകരാറിലായി ചികിത്സയില് കഴിയുന്ന കുറ്റിക്കരയിലെ കുന്നുമ്മല് വീട്ടില് സി.എം.വിനോദ് കുമാറിന്(47)ഭാര്യ വൃക്ക നല്കും. പരിശോധനകളെല്ലാം പൂര്ത്തിയായി. പക്ഷെ, ഇതിന് സുമനസ്സുകളുടെ കാരുണ്യം വേണം. 15 ലക്ഷത്തോളം ചെലവ് പ്രതീക്ഷിക്കുന്ന ശസ്ത്രക്രിയയും തുടര്ചികിത്സയും ഈ നിര്ധന കുടുംബത്തിന് താങ്ങാനാവുന്നതിനും അപ്പുറമാണ്.
ബംഗളുരുവില് ജോലി ചെയ്ത് വന്നിരുന്ന വിനോദ് കുമാറിന് 2010 ലാണ് രോഗം കണ്ടത്തെിയത്. മംഗലാപുരം കെ.എം.സിയില് ആദ്യകാല ചികിത്സ നടത്തിയ വിനോദ് കുമാര് ഇപ്പോള് കോഴിക്കോട് പിവിഎസ് ആശുപത്രിയിലാണ് ചികിത്സ തുടരുന്നത്. ഇതിനകം തന്നെ വലിയ തുക ചികിത്സക്കായി ചെലവായിട്ടുണ്ട്. ഭാര്യ കെ.ബീനയുടെ(36)വൃക്ക പരിശോധനയില് മാറ്റിവെക്കാന് അനുയോജ്യമാണെന്ന് കണ്ടത്തെിയിട്ടുണ്ട്.
എന്നാല് ഇതിനാവശ്യമായ ശസ്ത്രക്രിയക്കും തുടര്ന്ന് ഇരുവര്ക്കും ആവശ്യമായി വരുന്ന ചികിത്സക്കുമായി ഭാരിച്ച സാമ്പത്തിക ബാധ്യത വരും. ഈ കുടുംബത്തിന് ഇത് താങ്ങാനാവില്ലെന്ന സാഹചര്യത്തിലാണ് വിനോദ് കുമാറിനെ സഹായിക്കാന് ചികിത്സാ സഹായകമ്മറ്റിക്ക് നാട്ടുകാരുടെ യോഗം രൂപം നല്കിയത്. ഒമ്പതും മൂന്നും വയസുള്ള രണ്ട് മക്കളും ഇവര്ക്കുണ്ട്. ഈ ഘട്ടത്തില് ആശ്രയമാകേണ്ട വിനോദ് കുമാറിന്റെ അച്ഛന് ടി.പി.ഗോവിന്ദന് നമ്പ്യാര് പക്ഷാഘാതം പിടിപെട്ട് രണ്ടുവര്ഷത്തോളമായി കിടപ്പിലാണ്. ഇദ്ദേഹത്തിന്റെയും ചികിത്സക്കായി ഏറെ തുക ചെലവഴിക്കേണ്ടി വന്നിട്ടുണ്ട്. ഇനിയും ചികിത്സ തുടരേണ്ടതുമുണ്ട്. ഈ സാഹചര്യത്തില് കീഴല്ലൂര് പഞ്ചായത്ത് പ്രസിഡന്റ് എം.രാജന് ചെയര്മാനായും മുന് പഞ്ചായത്ത് പ്രസിഡന്റ് എം. സുസ്മിത കണ്വീനറുമായി രൂപവത്കരിച്ച ചികിത്സാ കമ്മിറ്റി പ്രവര്ത്തനത്തിന് തുടക്കം കുറിച്ചിരിക്കുന്നത്. ചികിത്സാ ആവശ്യത്തിനായി പണം നല്കാന് ആഗ്രഹിക്കുന്നവര് വിനോദ് കുമാറിന്റെ ചികിത്സക്കുള്ള സാമ്പത്തിക സഹായങ്ങള് ചികിത്സാ സഹായ കമ്മിറ്റി ചെയര്മാന്റെയും കണ്വീനറുടെയും പേരില് കാരപേരാവൂരിലെ കണ്ണൂര് ജില്ലാ സഹകരണ ബാങ്ക് എയര്പോര്ട്ട് ശാഖയില് തുടങ്ങിയ സംയുക്ത അക്കൗണ്ട് നമ്പര് 1062005000229, ഐ.എഫ്.സി കോഡ് ഡഠകആ0ടഗഉഇ01)ല് നിക്ഷേപിക്കണം. ഫോണ്: 9447687463 (ചെയര്മാന്), 9447389901 (കണ്വീനര്).
