മുഹമ്മ: അനുഭവമാണ് ആത്മീയതയുടെ അടിത്തറ ശക്തമാക്കുന്നതെന്ന് തൃശൂര് ഗുരുനാരായണാശ്രമം മഠാധിപതിയും ഭാഗവത സപ്താഹ ആചാര്യനുമായ സ്വാമി ബ്രഹ്മസ്വരൂപാനന്ദ. മുഹമ്മ ശിവഗിരീശ്വര ക്ഷേത്രത്തിലെ പ്രതിഷ്ഠാ വാര്ഷികത്തോടനുബന്ധിച്ച് നടന്ന ശ്രീനാരായണ ധര്മ്മ മീമാംസ പരിഷത്തില് പ്രഭാഷണം നടത്തുകയായിരുന്നു അദ്ദേഹം.
അനുഭവ സമ്പത്തില്ലാത്ത ഗുണംകെട്ട മനസ്സാണ് ദു:ഖങ്ങള്ക്ക് കാരണം. മനസ്സിനെ ദുഖ:ങ്ങളോട് പൊരുതി ജയിക്കാന് പ്രാപ്തമാക്കണം. ഈശ്വര ഭജനം മനസ്സിനെ ശാന്തമാക്കും. മനസ്സ് ഇന്ദ്രിയങ്ങളിലൂടെ വ്യാപരിക്കുമ്പോള് മാറ്റമുണ്ടാകും. ചിന്തകള്ക്കെ സങ്കല്പ്പത്തെ മാറ്റാന്കഴിയൂ. വീട്ടമ്മ നന്നായാല് കുടുംബം നന്നാകും. അമ്മയെ കണ്ടാണ് മക്കള് പഠിക്കുന്നത്.
ആരെയെങ്കിലും വേദനിപ്പിക്കുന്ന സംസ്ക്കാരം ക്ഷേത്രങ്ങളിലില്ല. എന്നാല് ക്ഷേത്ര സംസ്ക്കാരം വളരെയധികം ആര്ഭാടം നിറഞ്ഞതായി മാറി. അതുപോലെ ഗുരുവിന്റെ മഹത്വത്തെ മൂടിവെക്കുന്ന പ്രവണതകളും വര്ദ്ധിച്ചുകൊണ്ടിരിക്കുന്നു. ലീലാപവിത്രന് ഭദ്രദീപ പ്രകാശനം നടത്തി. സ്വാമി അസ്പര്ശാനന്ദ,എം ജയ്മോന്,എന് ഹരിദാസ്,വിമലമ്മ ബാബുജി എന്നിവര് സംസാരിച്ചു. 108 നാളികേരത്തിന്റെ അഷ്ടദ്രവ്യമഹാഗണപതി ഹോമം നടന്നു.
ആരോഗ്യ സെമിനാര് ആര്. രമണന് ഉദ്ഘാടനം ചെയ്തു. ഡോ. ദിലീപ്കുമാര് നേതൃത്വം നല്കി. ഹരീഷ് ശാന്തിയുടെ നേതൃത്വത്തില് സര്വ്വൈശ്വര്യ മഹാപൂജ, ദീപാരാധന, സമൂഹ പ്രാര്ത്ഥന എന്നിവയും നടന്നു.
