ജയ്പൂര്/ജോധ്പുര്: രാജസ്ഥാനില് രണ്ടു വ്യത്യസ്ത റോഡപകടങ്ങളിലായി 26 പേര് മരിച്ചു. അപകടങ്ങളില് 45 പേര്ക്ക് പരിക്കേറ്റു.
സിരോഹി ജില്ലയിലെ വീരാ വീര്പുര് ഗ്രാമത്തിലാണ് ആദ്യ അപകടമുണ്ടായത്. ട്രക്ക് ആള്ക്കുട്ടത്തിലേക്കു പാഞ്ഞുകയറി 13 പേര് മരിക്കുകയും 11 പേര്ക്ക് പരിക്കേല്ക്കുകയും ചെയ്തു.
ബസും ട്രക്കും കൂട്ടിയിടിച്ചതിനെത്തുടര്ന്ന് റോഡില് ഇരു വാഹനത്തിന്റെയും ഡ്രൈവര്മാര് തമ്മില് തര്ക്കമുണ്ടായി. ഇതേത്തുടര്ന്ന് യാത്രക്കാരും പുറത്തിറങ്ങി നില്ക്കുന്നതിനിടെ മറ്റൊരു ട്രക്ക് ഇവര്ക്കിടയിലേക്ക് പാഞ്ഞുകയറുകയായിരുന്നു. ഒന്പത് പേര് സംഭവ സ്ഥലത്തുതന്നെ മരിച്ചുവെന്നു സിരോഹി ജില്ലാ കളക്ടര് എല്.എന്.മീന പറഞ്ഞു.
ഭില്വാര ജില്ലയില് കഴിഞ്ഞ രാത്രിയുണ്ടായ മറ്റൊരു അപകടത്തിലാണ് 13 പേര് മരിച്ചത്. ട്രാക്ടര് ട്രോളി ട്രക്കുമായി കൂട്ടിയിടിച്ചായിരുന്നു അപകടം. മരിച്ചവരില് ഏഴ് സ്ത്രീകളും മൂന്ന് കുട്ടികളും ഉള്പ്പെടുന്നുണ്ട്.
34 പേര്ക്ക് അപകടത്തില് പരിക്കേറ്റു. ട്രാക്ടര് ട്രോളിയില് യാത്ര ചെയ്തവര് ഒരു കുടുംബത്തില് നിന്നുള്ളവരായിരുന്നു.
