കാവാലം ഊട്ടുപള്ളിച്ചിറ ലക്ഷംവീട് കോളനി കുമ്മനം രാജശേഖരന് സന്ദര്ശിച്ചപ്പോള്
കുട്ടനാട്: കാലങ്ങളായി അധികാരികള് അവഗണിച്ച കോളനി നിവാസികളുടെ ദുരിതങ്ങള് കണ്ടറിയാനും ആശ്വാസമേകാനും ജനനേതാവെത്തി. ഇന്നലെ രാവിലെയാണ് കാവാലം പഞ്ചായത്ത് നാലാം വാര്ഡിലെ ഊട്ടുപള്ളിച്ചിറ ലക്ഷംവീട് കോളനി ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന് സന്ദര്ശിച്ചത്.
രൂക്ഷമായ വെള്ളക്കെട്ടുമൂലം കോളനിവാസികള് അനുഭവിക്കുന്ന ദുരിതം ഏറെയാണ്. വെള്ളം ഒഴുകിപ്പോകാനുള്ള മാര്ഗ്ഗങ്ങള് ഒന്നുംതന്നെ ഇവിടെയില്ല. അശാസ്ത്രീയമായ റോഡുനിര്മ്മാണം, ജലനിര്ഗ്ഗമന മാര്ഗ്ഗങ്ങള് അടച്ചു. ഇതോടെ വെള്ളം കെട്ടിനിന്ന് മാലിന്യങ്ങളുമായി കലര്ന്ന് പകര്ച്ചവ്യാധി ഭീഷണി ഉയര്ത്തുന്നു. ഇതിനകം പത്തുപേരാണ് അര്ബുദം ബാധിച്ച് മരിച്ചത്. കോളനിയിലെ ഏതാണ്ട് എല്ലാ വീടുകളിലും അര്ബുദ രോഗബാധിതരുണ്ട്.
കുമ്മനത്തിനുമുമ്പില് സ്ത്രീകളടക്കമുള്ളവര് തങ്ങളുടെ ദുരിതങ്ങള് വിവരിച്ചു. കാലങ്ങളായി ജനപ്രതിനിധികളും തദ്ദേശ സ്ഥാപനങ്ങളും സര്ക്കാരും കോളനിയെ അവഗണിക്കുകയാണ്.
ഇവിടുത്തെ പ്രശ്നങ്ങള്ക്ക് പരിഹാരം കാണാന് കേന്ദ്ര സംസ്ഥാന സര്ക്കാരുകളില് സമ്മര്ദ്ദം ചെലുത്തുമെന്നും സാദ്ധ്യമായ എല്ലാ പരിഹാരമാര്ഗ്ഗങ്ങളും കാണുമെന്നും കുമ്മനം രാജശേഖരന് അവര് ഉറപ്പു നല്കി.
വാര്ഡംഗം ലതാ ഓമനക്കുട്ടന്, ബിജെപി ജില്ലാ പ്രസിഡന്റ് കെ. സോമന്, ജനറല് സെക്രട്ടറി കെ. ജയകുമാര്, ജില്ലാ സെക്രട്ടറി ടി.കെ. അരവിന്ദാക്ഷന്, മണ്ഡലം പ്രസിഡന്റ് എം.ആര്. സജീവ്, ജനറല് സെക്രട്ടറി ഡി. പ്രസന്നകുമാര്, ആര്എസ്എസ് വിഭാഗ് സഹ സംഘചാലക് വി.എന്. രാമചന്ദ്രന്, താലൂക്ക് സേവാപ്രമുഖ് ജോഷി, ബിജെപി കാവാലം പഞ്ചായത്ത് ഭാരവാഹികളായ വിനോദ്, ശ്രീവത്സന്, അനൂപ്, സിനിലാല് തുടങ്ങിയവരും അദ്ദേഹത്തോടൊപ്പമുണ്ടായിരുന്നു.
