ന്യൂദല്ഹി: ഭാരതവും അമേരിക്കയും തമ്മിലുളള ബന്ധം മെച്ചപ്പെടുന്നതില് പാകിസ്ഥാന് യാതൊരു പ്രശ്നവുമില്ലെന്ന് പാക് പ്രധാനമന്ത്രിയുടെ വിദേശകാര്യ ഉപദേശകന് സര്ത്താജ് അസീസ്. പാകിസ്ഥാനും അമേരിക്കയിലേക്ക് ദൗത്യസംഘത്തെ അയക്കുന്നുണ്ട്.
ഭാരതത്തിന്റെ ആണവായുധ സംഭരണശേഷി വര്ദ്ധിപ്പിക്കാനാണ് ഇരുരാജ്യങ്ങളും തമ്മിലുളള സഹകരണം മെച്ചപ്പെടുത്തുന്നത് എങ്കില് തങ്ങളും പ്രതികരിക്കുമെന്ന് സര്ത്താജ് വ്യക്തമാക്കി. അമേരിക്കന് ഇടപെടലിലൂടെ ഭാരതവും പാകിസ്ഥാനും തമ്മിലുളള തന്ത്രപരമായ വിളളലുകള് ഇല്ലാതാകില്ലെന്നും അദ്ദേഹം കൂട്ടിച്ചേര്ത്തു.
തന്ത്രപരമായ സ്ഥിരത നിലനിര്ത്തിക്കൊണ്ട് തന്നെയാകും ഇരുരാഷ്ട്രങ്ങളും തമ്മിലുളള സഹകരണം. വാര്ത്താ ഏജന്സിയ്ക്ക് നല്കിയ അഭിമുഖത്തിലാണ് ഇദ്ദേഹം ഇക്കാര്യങ്ങള് വെളിപ്പെടുത്തിയത്.
അമേരിക്ക തങ്ങളോട് അനുകൂലമായ മനോഭാവമാണ് കൈക്കൊളളുന്നതെങ്കില് ഇന്ത്യയുടെ ആണവായുധ സംഭരണം വര്ദ്ധിപ്പിക്കാനുളള നീക്കത്തിന് തടയിടാന് തങ്ങള് അമേരിക്കയോട് ആവശ്യപ്പെടും. അങ്ങനെ പ്രശ്നത്തിന് സംഘര്ഷമില്ലാതെ പരിഹാരമുണ്ടാക്കാനും സാധിക്കുമെന്നദ്ദേഹം പറഞ്ഞു.
