വാഷിങ്ടണ്: അമേരിക്കയുടെ നേതൃത്വത്തിലുളള സഖ്യസേന നടത്തിയ വ്യോമാക്രമണത്തില് 250ലേറെ ഐഎസ് ഭീകരര് കൊല്ലപ്പെട്ടു. ഇറാഖിലെ ഫലൂജ നഗരത്തിന് ചുറ്റുമായാണ് അമേരിക്ക വ്യോമാക്രമണം നടത്തിയത്. നഗരത്തിന് തെക്കുഭാഗത്തായാണ് ആക്രമണമുണ്ടായത്. നാല്പ്പതോളം വാഹനങ്ങളും ആക്രമണത്തില് തകര്ന്നതായാണ് കണക്കാക്കുന്നത്. ഐഎസിനെതിരെ നടക്കുന്ന ഏറ്റവും വലിയ ആക്രമണമായാണ് ഇതിനെ കണക്കാക്കുന്നത്.
ഇസ്താംബൂളിലെ അടാടെര്ക് വിമാനത്താവളത്തില് ഐഎസ് നടത്തിയ ആക്രമണത്തിന് പിന്നാലെ 24 മണിക്കൂറിനുളളിലാണ് ഈ തിരിച്ചടിയെന്നതും ശ്രദ്ധേയമാണ്. ഇസ്താംബൂളിലെ ആക്രമണത്തിന് പിന്നില് ഐഎസാണെന്ന് തുര്ക്കി ആരോപിച്ചിരുന്നു. ബുധനാഴ്ച നടന്ന ആക്രമണത്തില് 42 പേരുടെ ജീവനാണ് പൊലിഞ്ഞത്. നൂറിലേറെ പേര്ക്ക് പരിക്കുണ്ട്. എന്നാല് ആക്രമണത്തിന്റെ ഉത്തരവാദിത്തം ഇനിയും ആരും ഏറ്റെടുത്തിട്ടില്ല.
