കേളകം: മഴക്കാലത്ത് പാല്ച്ചുരത്തിലൂടെയുള്ള യാത്ര വാഹനയാത്രക്കാരെ ഭീതിയിലാക്കുന്നു. കുത്തനെയുള്ള കയറ്റിറക്കങ്ങളും ഒരേസമയം രണ്ടു വാഹനങ്ങള്ക്ക് കടന്നുപോകാന് കഴിയാത്ത വിധത്തിലുള്ള ഇടുങ്ങിയ റോഡുമാണ് അപകടഭീഷണിയുയര്ത്തുന്നത്. മഴക്കാലമായാല് മണ്ണിടിച്ചിലിനുള്ള സാധ്യതയും ഏറെയാണ്. ചുരത്തിലൂടെ വാഹനമോടിച്ച് പരിചയമുള്ളവര്ക്കു പോലും ഭീതി ജനിപ്പിക്കുന്ന കൊടുംവളവുകളാണ് ഇവിടെയുള്ളത്. ചെകുത്താന്തോടിനു സമീപം കൊടുംവളവുകള്ക്കു പുറമെ ചെങ്കുത്തായ കൊക്കയുമുണ്ട്. ഇവിടെ പലതവണ വാഹനങ്ങള് കൊക്കയിലേക്കു മറിഞ്ഞിട്ടുണ്ട്.—ഇന്നലെ കാറ്ററിംഗ് സംഘം സഞ്ചരിച്ച കാര് അപകടത്തില്പ്പെട്ടതിനു പുറമെ കഴിഞ്ഞ വര്ഷം കന്നുകാലികളുമായി വരികയായിരുന്ന ലോറി നിയന്ത്രണം വിട്ടു മറിഞ്ഞിരുന്നു. ഈ അപകടത്തില് ഒരാള്ക്കു ജീവന് നഷ്ടപ്പെടുകയുംചെയ്തു. അപകടമേഖലയായ ഇവിടെ വാഹനങ്ങളിടിച്ചു തകര്ന്ന സുരക്ഷാഭിത്തി പുനര്നിര്മിക്കാന്പോലും അധികൃതര് നടപടി സ്വീകരിക്കുന്നില്ല.
അപകടഭീതി ഉയര്ത്തി പാല്ച്ചുരം റോഡ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.