വാഷിങ്ടണ്: ആണവവിതരണ സംഘത്തിലംഗമാകാന് ഭാരതത്തിന് മുന്നില് വഴി തുറന്ന് തന്നെയാണ് കിടക്കുന്നതെന്ന് അമേരിക്ക. ഇതിനുളള നടപടികള് ഇക്കൊല്ലം അവസാനത്തോടെ തന്നെ പൂര്ത്തിയാകുമന്നും അമേരിക്ക വ്യക്തമാക്കി.
സോളില് നടന്ന ചര്ച്ചയില് ഭാരതത്തിന്റെ പ്രവേശനത്തെ ചൈന അതിശക്തമായി പ്രതിരോധിച്ച സാഹചര്യത്തിലാണ് അമേരിക്കയുടെ ഈ പ്രസ്താവന. ആണവവിതരണ സംഘത്തില് ഭാരതം ഒരു മുഴുവന് സമയ അംഗമാകുമെന്നും ഒബാമയോട് അടുത്ത വൃത്തങ്ങള് വ്യക്തമാക്കി.
അമേരിക്കയെ ഭാരതത്തിന്റെ മുഖ്യ സഖ്യമാക്കാനുളള പ്രവര്ത്തനങ്ങളും തുടരും. അതേസമയം ചൈനയുമായി ബന്ധം മെച്ചപ്പെടുത്തേണ്ടതിന്റെ യാതൊരു ആവശ്യകതയും തങ്ങള്ക്കില്ലെന്നും അമേരിക്ക കൂട്ടിച്ചേര്ത്തു. സൂത്രശാലിയായ ചൈന എപ്പോഴും ഭാരത വിരുദ്ധ നിലപാടുകളാണ് സ്വീകരിക്കുന്നത്.
സോളില് നടന്ന ചര്ച്ചയുടെ വിശദാംശങ്ങള് പുറത്ത് വിട്ടിട്ടില്ല. മറ്റ് രാജ്യങ്ങളുമായി കൂടുതല് ചര്ച്ച നടത്തി ഭാരതത്തിന്റെ അംഗത്വം ഉറപ്പാക്കും. ഭാരതത്തിന്റെ അംഗത്വകാര്യത്തില് യാതൊരു തീരുമാനവുമാകാതെയാണ് കഴിഞ്ഞ ദിവസം സോളില് നടന്ന ചര്ച്ചകള് അവസാനിച്ചത്. മുപ്പത്തെട്ടുരാജ്യങ്ങള് ഇന്ത്യയുടെ അംഗത്വത്തെ പിന്തുണച്ചു. എന്നാല് ചൈനയുടെ ശക്തമായ എതിര്പ്പ് നിര്ണായകമായി.
