വണ്ണപ്പുറം: വണ്ണപ്പുറം-കഞ്ഞിക്കുഴി റോഡില് കമ്പകകാനത്തിന് സമീപം മലയിടിഞ്ഞ് ഗതാഗതം തടസ്സപ്പെട്ടു. ഇന്നലെ ഉച്ചതിരിഞ്ഞാണ് മലയുടെ ഭാഗമിടിഞ്ഞ് റോഡിലേക്ക് പതിച്ചത്. 200 മീറ്റ്റോളം ദൂരത്ത് മണ്ണിടിഞ്ഞ് വീണിട്ടുണ്ട്. ജെസിബി എത്തിച്ച് മണ്ണ് നീക്കംചെയ്താണ് ഗതാഗതം പുനസ്ഥാപിച്ചത്. ശക്തമായ മഴയെ തുടര്ന്നാണ് വനമേഖലയില്പെട്ട ഭൂമിയില് നിന്നും മലയിടിഞ്ഞത്. ഒപ്പം ഒഴുകി വന്ന പാറയും കല്ലും നാട്ടുകാര് ഏറെ പണിപ്പെട്ടാണ് നീക്കിയത്. കുത്തനെയുള്ള കയറ്റങ്ങളും ഇറക്കങ്ങളും നിറഞ്ഞ വഴിയില് മണ്ണടിച്ചിലിനുള്ള സാധ്യതയേറെയാണ്. തൊട്ടടുത്ത് വീടില്ലാത്തത് അപകടം ഒഴുവാക്കിയെങ്കിലും നിലംപതിക്കാറായ ഭീമന് കല്ല് ഇവിടെ അവശേഷിക്കുകയാണ്. മണ്ണ് നീങ്ങിയതിനാല് കല്ല് ഏത് നിമിഷവും നിലം പൊത്താവുന്ന അവസ്ഥയിലാണ്. അധികൃതര് ഇടപെട്ട് എത്രയുംവേഗം കല്ല് പൊട്ടിച്ച് നീക്കണമെന്നാണ് നാട്ടുകാരുടെ ആവശ്യം.
മലയിടിഞ്ഞ് ഗതാഗതം തടസ്സപ്പെട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.