നെയ്യാറ്റിന്കര: നെയ്യാറ്റിന്കര നഗരസഭയിലെ വാഹനങ്ങളില് കയറ്റിയ മാലിന്യങ്ങള് അമരവിള സ്വദേശി വസന്ത ടീച്ചറുടെ വാഴ കൃഷിയിടത്തിലേയ്ക്ക് തള്ളിയതായി പരാതിയില് പറയുന്നു. രാത്രി നെയ്യാറ്റിന്കര നഗരസഭയുടെ വാഹനത്തില് മാലിന്യകൂമ്പാരങ്ങള് വസന്തടീച്ചറുടെ വസ്തുവിലേക്ക് തള്ളുന്നത് കണ്ടതായി നാട്ടുകാരും പറയുന്നു. കുലയ്ക്കാറായ നിരവധി വാഴകളും നശിച്ചു. നഗരസഭയുടെ ക്രൂരതക്കെതിരെ ആരോഗ്യ വകുപ്പിലും മറ്റ് അധികൃതര്ക്കും പരാതിയും നല്കി. തദ്ദേശ തെരഞ്ഞെടുപ്പില് നെയ്യാറ്റിന്കര നഗരസഭയുടെ അമരവിള വാര്ഡില് ബിജെപി സ്ഥാനാര്ത്ഥിയായിരുന്നു വസന്ത ടീച്ചര്. ബിജെപി സ്ഥാനാര്ത്ഥിയായി മത്സര രംഗത്തിറങ്ങിയതിന്റെ പകയാണ് നഗരസഭയുടെ അധികരം വച്ച് ചെയര്പേഴ്സണ് ഹീബയുടെ നേതൃത്വത്തില് ഇത്തരത്തിലുള്ള നടപടികള് നടപ്പാക്കുന്നതെന്നും ബിജെപി ചെങ്കല് പഞ്ചായത്ത് കമ്മിറ്റി ആരോപിച്ചു. നഗരസഭയുടെ അനീതിക്കെതിരെ അധികൃതര് നടപടി സ്വീകരിച്ചില്ലെങ്കില് പ്രതിഷേധ പരിപാടികളുമായി മുന്നോട്ടുപോകുമെന്നും ബിജെപി ചെങ്കല് പഞ്ചായത്ത് പ്രസിഡന്റ് ആശ്രമം പ്രശാന്ത് അഭിപ്രായപ്പെട്ടു.
വസന്ത ടീച്ചറുടെ വാഴ കൃഷിയിടത്തിലേയ്ക്ക് നഗരസഭ മാലിന്യം നിക്ഷേപിച്ചപ്പോള്
