കണ്ണൂര്: വിമുക്തഭട സംഘടനയ്ക്കെതിരെ ബിഎസ്എന്എല്ലിലെ ചില സംഘടനകള് നടത്തുന്ന വസ്തുതാവിരുദ്ധ പ്രസ്താവന വിമുക്തഭടന്മാരുടെ സംഘടനയായ നേഷണല് എക്സ് സര്വീസ്മെന് കോര്ഡിനേഷന് കമ്മിറ്റിയെയും തൊഴില് സംഘടനയായ എകെഇഎക്സ്എസ്എസ്ആന്റ്എഎസ്എയെ അവഹേളിക്കുന്നതിന് തുല്യമാണെന്ന് ഭാരവാഹികള് പത്രസമ്മേളനത്തില് പറഞ്ഞു. നീണ്ട നിയമപോരാട്ടത്തിനൊടുവില് ബിഎസ്എന്എല്ലിലെ സുരക്ഷാജീവനക്കാര്ക്ക് ന്യായമായ വേതനം നേടികൊടുക്കുവാന് സംഘടനയ്ക്ക് സാധിച്ചതും ഇതുമായി ബന്ധപ്പെട്ട രേഖകളും പത്രപ്രസ്താവനയ്ക്കായി പത്രങ്ങള് നല്കുകയും അത് പ്രസിദ്ധീകരിക്കപ്പെടുകയും ചെയ്തു. എന്നാല് ഈ വാര്ത്ത വസ്തുതാവിരുദ്ധമാണെന്നാണ് ബിഎസ്എന്എല്ലിന്റെ ഔദ്യഗിക സംഘടന പത്രവാര്ത്തയിലൂടെ അറിയിച്ചിരിക്കുന്നത്. ഇത് വിമുക്തഭടന്മാരെയും അവരുടെ സംഘടനയെയും അപമാനിക്കുന്നതിന് തുല്യമാണ്. ഡിജിആര് വ്യവസ്ഥയിലെ ചൂഷണത്തിനെതിരെ നിരന്തരമായ നിയമപോരാട്ടം നടത്തുകയും കോടതിയില് നിന്ന് അനുകൂല വിധി സമ്പാദിക്കുകയും അതതിനനുസരിച്ച് അര്ഹമായ മിനിമം വേതനവും കുടിശ്ശികയും ലഭ്യമാക്കാന് സംഘടനയ്ക്ക് സാധിച്ചു. നിരന്തരമായ നിയമപോരാട്ടത്തിനൊടുവിലാണ് സുരക്ഷാജീവനക്കാര്ക്ക് ബോണസ് അടക്കമുള്ള ആനുകൂല്യങ്ങളും സെമിസ്കില്ഡ് വേതനവും നല്കാന് മാനേജ്മെന്റുമായി ധാരണയായത്. ഇത് എല്ലാ രേഖകളും സഹിതമാണ് പത്രപ്രസ്താവനയായി പത്രങ്ങള്ക്ക്. എന്നാല് ബി എസ് എന് എല്ലിന്റെ ഔദ്യോഗിക സംഘടന ഇത് നിഷേധിക്കുകയും ഇത് വസ്തുതാവിരുദ്ധമാണെന്ന് പ്രസ്താവിക്കുകയും ചെയ്തത് ഏറെ ഖേദകരമാണെന്ന് ഭാരവാഹികള് പറഞ്ഞു. പത്രസമ്മേളനത്തില് സംസ്ഥാനസെക്രട്ടറി ഗര്വാസിസ് വട്ടക്കുളം, എം രാധാകൃഷ്ണന്, വിജയന് പാറാലി, സുധീര്കുമാര് കെ പി, അനീഷ് കെ എന്നിവര് പങ്കെടുത്തു.
വിമുക്തഭട സംഘടനയ്ക്കെതിരായ പ്രസ്താവന വസ്തുതാവിരുദ്ധമെന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.