മുക്കം: 2015-16 അധ്യയന വര്ഷത്തില് വിദ്യാര്ത്ഥികളുടെ കുറവ് മൂലം ജോലി നഷ്ടപ്പെട്ട അദ്ധ്യാപകരെ സംരക്ഷിക്കുന്നതിനായി സര്ക്കാരും പൊതുവിദ്യാഭ്യാസ വകുപ്പും പുറപ്പെടുവിച്ച ഉത്തരവ് എയ്ഡഡ് സ്കൂള് മാനേജ്മെന്റുകള് നടപ്പാക്കാന് തയ്യാറാവാത്തത് നിരവധി അദ്ധ്യാപകരുടെ ഭാവി തുലാസിലാക്കുന്നു. 20152016 വര്ഷം തസ്തിക നിര്ണയ നടപടികള് പൂര്ത്തിയായതിന്റെ അടിസ്ഥാനത്തില് തസ്തിക നഷ്ടം വരുന്ന സ്കൂളുകളില് നിന്നും പുറത്ത് പോവുന്ന എല്പി, യുപി അദ്ധ്യാപകരുടെ വിവരങ്ങള് ബന്ധപ്പെട്ട ഉപജില്ലാ ഓഫീസര്മാര് റിപ്പോര്ട്ട് ചെയ്തിരുന്നു. ഇതിന്റെ അടിസ്ഥാനത്തില് പ്രധാനാദ്ധ്യാപകരെ ക്ലാസ് ചാര്ജില് നിന്നു മൊഴിവാക്കി അവിടെ സംരക്ഷിത അദ്ധ്യാപകര്ക്ക് നിയമനം നല്കാനാണ് ഉത്തരവ്. ഇതു സംബന്ധിച്ച ഉത്തരവ് മെയ് 31 ന് ഉത്തരവ് നമ്പര് ബി 4/10 225 / 2016 പ്രകാരം അതത് ഉപജില്ലാ ഓഫീസര്മാര്ക്ക് ലഭിച്ചതുമാണ്.
എന്നാല് ഇത്തരത്തില് ഒഴിവ് വന്ന തസ്തികയിലേക്ക് നിയമന ഉത്തരവുമായെത്തിയ അദ്ധ്യാപകര്ക്ക് എയ്ഡഡ് മാനേജര്മാര് അനുമതി നല്കുന്നില്ലന്നാണ് പരാതി. ഇങ്ങനെ കോഴിക്കോട് റവന്യു ജില്ലയില് 147 അദ്ധ്യാപകരുടെ കാര്യമിപ്പോള് തുലാസിലാണ്. കോഴിക്കോട് സിറ്റി 1 ,റൂറല് 8, ചേവായൂര് 8 ,ഫറോക്ക് 17, കുന്ദമംഗലം 9, മുക്കം 6, കൊടുവളി 5, താമരശേരി 7, ബാലുശേരി 16, പേരാമ്പ്ര 7, തോടന്നൂര് 1, മേലടി 9, കുന്നുമ്മല് 6, ചോമ്പാല 3, വടകര 13 ,കൊയിലാണ്ടി 11 ,ഡി ഇ ഒ ഓഫീസ് 3 എന്നിങ്ങയാണ് ജോലി നഷ്ടപ്പെടുന്നവരുടെ കണക്ക്. കഴിഞ്ഞവര്ഷം പ്രൊട്ടക്റ്റഡ് അദ്ധ്യാപകര്ക്ക് സര്ക്കാര് / എയ്ഡഡ് സ്കൂളുകളില് ജോലി ചെയ്യാമായിരുന്നു.
ഈ വര്ഷം മുതലാണ് എയ്ഡഡ് സ്കൂളിലെ സീരക്ഷിത അദ്ധ്യാപകരെ എയ്ഡഡ് സ്കൂളുകളിലേക്കും സര്ക്കാര് സ്കൂളുകളിലെ അദ്ധ്യാപകരെ സര്ക്കാര് സ്കൂളുകളിലും മാറ്റാന് ഉത്തരവിറക്കിയത്. സംരക്ഷിത അദ്ധ്യാപകര്ക്ക് മാത്രമായി ഇറക്കിയ ഈ ഉത്തരവാണ് ചില മാനേജര്മാരുടെ പിടിവാശിയും മറ്റും മൂലം നിരവധി അദ്ധ്യാപകരുടെ ജോലിയെ തന്നെ ബാധിക്കുന്ന തരത്തിലേക്ക് നീങ്ങുന്നത്. സമാന പ്രശ്നം ജില്ലയിലെ ഹൈസ്കൂള് സംരക്ഷിത അദ്ധ്യാപകര്ക്കുമുണ്ട്.
