വാഷിങ്ടണ്: പാക്കിസ്ഥാനുള്ള 300 മില്യണ് ഡോളറിന്റെ സൈനിക സഹായം നിര്ത്തിവയ്ക്കാനുള്ള ബില്ലിന് യുഎസ് സെനറ്റ് പാനലിന്റെ അനുമതി. സൈനിക കാര്യങ്ങള്ക്കുള്ള സൈനറ്റ് സമിതിയാണ് ബില്ലിന് അംഗീകാരം നല്കിയത്. ഇതോടെ, ബില് സെനറ്റില് അവതരിപ്പിക്കാം. യുഎസ് കോണ്ഗ്രസിന്റെ ഉപരിസഭയായ ഹൗസ് ഓഫ് റെപ്രസന്റേറ്റീവ്സ് നേരത്തെ ഈ ബില് ഭാഗികമായി അംഗീകരിച്ചിരുന്നു. സെനറ്റ് കൂടി പാസാക്കിയാല് ബില്ലിന് യുഎസ് കോണ്ഗ്രസിന്റെ അംഗീകാരമാകും. ഒബാമ സര്ക്കാരിന് ഇതു നടപ്പാക്കേണ്ടി വരും.
ഹഖാനി ഭീകര ശൃംഖല തകര്ക്കുന്നതിനാണ് പാക്കിസ്ഥാന് സഹായം നല്കുന്നത്. എന്നാല്, അവര് ഫലപ്രദമായി പ്രവര്ത്തിക്കുന്നില്ലെന്ന് യുഎസിന് ആക്ഷേപമുണ്ട്. ഈ പശ്ചാത്തലത്തിലാണ് സഹായം നിര്ത്തിവയ്ക്കാനുള്ള നീക്കം. ഇതുമായി ബന്ധപ്പെട്ട നാഷണല് ഡിഫന്സ് ഓതറൈസേഷന് ആക്റ്റ് (എന്ഡിഎഎ-2017) ഈയാഴ്ച സെനറ്റ് പരിഗണിക്കും. പാക്കിസ്ഥാനുമായി ബന്ധപ്പെട്ട വിഷയങ്ങളിലാണ് അംഗങ്ങള്ക്ക് ഏറെ എതിര്പ്പ്.900 മില്യണ് ഡോളര് സഹായത്തില് 450 മില്യണ് നല്കേണ്ടെന്നാണ് ഹൗസ് ഓഫ് റെപ്രസന്റേറ്റീവ്സിന്റെ നിലപാട്. എന്നാല്, സെനറ്റ് ഇത് 800 മില്യണ് ഡോളറില് 300 മില്യണ് എന്നാണ് കണക്കാക്കുന്നത്. സൗഹൃദ രാഷ്ട്രങ്ങള്ക്ക് ഭീകരതയും മറ്റും നേരിടുന്നതിന് യുഎസ് നല്കുന്ന സഹായമാണിത്.
