കണ്ണൂര്: വീട് കുത്തിത്തുറന്ന് 35 പവന് സ്വര്ണാഭരണങ്ങള് കവര്ന്ന കേസില് പ്രധാന പ്രതിയെ പോലീസ് അറസ്റ്റ് ചെയ്തു. മടിക്കേരി പുത്താണിനഗരം സ്വദേശി ചന്ദ്രകുമാര് എന്ന കുമാരന്(35)ആണ് അറസ്റ്റിലായത്. ഏപ്രില് 13 നും 15 നും ഇടയില് ചിറക്കല് ചിറക്ക് സമീപത്തെ പാറയില് ബാബുവിന്റെ വീട്ടില് കവര്ച്ച നടത്തിയ കേസിലാണ് ഇയാളെ അറസ്റ്റ് ചെയ്തത്. ബാബുവും കുടുംബവും വീടുപൂട്ടി കൊല്ലൂര് മൂകാംബിക ക്ഷേത്രത്തില് പോയി 156 ന് തിരിച്ചെത്തിയപ്പോഴാണ് കവര്ച്ച ശ്രദ്ധയില്പ്പെട്ടത്. കേസിലെ മറ്റു മൂന്നുപേരെക്കൂടി തിരിച്ചറിഞ്ഞിട്ടുണ്ട്. ഇവര് ഉടന് പിടിയിലാകും. വയനാട് പുല്പ്പള്ളിയില് താമസിക്കുന്ന ചന്ദ്രകുമാര് കക്കൂസ് വൃത്തിയാക്കുന്ന ജോലിക്ക് പോകുന്നുവെന്ന വ്യാജേനയാണ് കവര്ച്ചകള് നടത്തുന്നത്. കണ്ണൂര്, മലപ്പുറം, തൃശൂര്, കര്ണാടകം തുടങ്ങിയ സ്ഥലങ്ങളില് നിരവധി കേസുകളില് പ്രതിയാണ് പിടിയിലായ ചന്ദ്രകുമാര്. കവര്ച്ച ചെയ്ത സ്വര്ണാഭരണങ്ങള് മാനന്തവാടി, കണ്ണൂര്, തമിഴ്നാട് തുടങ്ങിയ സ്ഥലങ്ങളിലെ ജ്വല്ലറികളില് വിറ്റതായി തെളിഞ്ഞിട്ടുണ്ട്. എസ് പി ഹരിശങ്കറിന്റെ നിര്ദ്ദേശത്തെ തുടര്ന്ന് ഡിവൈഎസ്പി മൊയ്തീന്കുട്ടി, വളപട്ടണം സിഐ ശ്രീജിത്ത്, എസ്.ഐ ശ്രീജിത്ത് കൊടേരി, എസ്പിയുടെ സ്ക്വാഡ് എന്നിവ ചേര്ന്നാണ് ചന്ദ്രകുമാറിനെ പിടികൂടിയത്.
വീടു കുത്തിത്തുറന്ന് സ്വര്ണം കവര്ന്ന കേസില് പ്രധാന പ്രതി അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.