ചക്കരക്കല്‍: ധര്‍മ്മടം നിയോജകമണ്ഡലത്തില്‍ തികഞ്ഞ ആത്മവിശ്വാസത്തോടെ മാര്‍ക്‌സിസ്റ്റ് കോട്ടകളെ അമ്പരപ്പിച്ചുകൊണ്ട് മുന്നേറുകയാണ് എന്‍ഡിഎ സ്ഥാനാര്‍ത്ഥി മോഹനന്‍ മാനന്തേരി. എല്‍ഡിഎഫ് അധികാരത്തിലെത്തിയാല്‍ മുഖ്യമന്ത്രി സ്ഥാനാര്‍ത്ഥിയെന്ന് സ്വയം വിശേഷിപ്പിച്ച് പിണറായിയും പ്രചാരണ രംഗത്ത് വലിയ ചലനങ്ങളില്ലാതെ യുഡിഎഫിന് വേണ്ടി മമ്പറം ദിവാകരനും പ്രചാരണ രംഗത്ത് ഏറെ പിന്നിലാണ്. നിയോജമണ്ഡലത്തിലെ 8 പഞ്ചായത്തുകളും ഭരിക്കുന്നത് സിപിഎം ആണ്. ബ്ലോക്ക് പഞ്ചായത്തും എംഎല്‍എ, ജില്ലാ പഞ്ചായത്ത്, എംപി സ്ഥാനങ്ങള്‍ ഇവയെല്ലാം സിപിഎം നിയന്ത്രിക്കുമ്പോള്‍ ജനങ്ങള്‍ ഒരുപാട് പ്രതീക്ഷ പുലര്‍ത്തി. എന്നാല്‍ വികസന മുരടിപ്പും, അക്രമങ്ങളും വര്‍ദ്ധിച്ചുവരുന്നതല്ലാതെ ധര്‍മ്മത്തിന്റെ ഇടമായ ധര്‍മ്മടത്ത് ഒന്നും സഭവിക്കുന്നില്ല. ഈ നിയമസഭാ മണ്ഡലത്തിലെ ജനകീയ പ്രശ്‌നങ്ങളോട് മുഖം തിരിഞ്ഞ് നില്‍ക്കുന്ന മാര്‍ക്‌സിസ്റ്റ്-കോണ്‍ഗ്രസ് കൂട്ടുകെട്ടുകള്‍ക്കെതിരെ ശക്തമായി പ്രതികരിച്ചാണ് എന്‍ഡിഎയുടെ ബിജെപി സ്ഥാനാര്‍ത്ഥി മോഹനന്‍ മാനന്തേരി 8 പഞ്ചായത്തുകളിലെ കവല യോഗങ്ങളിലും കുടുംബയോഗങ്ങളിലും സംസാരിക്കുന്നത്. ആയിരക്കണക്കിന് സ്ത്രീകള്‍ ഈ മണ്ഡലത്തില്‍ ബീഡി മോഖലയില്‍ പ്രവര്‍ത്തിക്കുന്നുണ്ട്. പയ്യന്നൂര്‍ ഖാദി കേന്ദ്രത്തിന്റെ നൂല്‍ നൂല്‍പ് കേന്ദ്രങ്ങളിലും ധാരാളം സ്ത്രീതൊഴിലാളികള്‍ ജോലി ചെയ്യുന്നു. കാലങ്ങളായി വേതന വര്‍ദ്ധനവ് ഇല്ലാതെ നിസ്സാര തുകക്ക് ജോലിചെയ്യുന്ന ഇവരുടെ സങ്കടങ്ങളും തൊഴിലിനെക്കുറിച്ചള്ള ആശങ്കളും എന്‍ഡിഎ സ്ഥാനാര്‍ത്ഥി മോഹനന്‍ മാനന്തേരിയുമായി പങ്കുവെച്ചു. തൊഴിലാളികളുടെ പേര് പറഞ്ഞ് അവരുടെ പാര്‍ട്ടിയെന്ന് അവകാശപ്പെടുന്നവര്‍ കുത്തക മുതലാളിമാരുടെ പുത്തന്‍ വേഷം അണിയുകയാണ്.
സ്ഥാനാര്‍ത്ഥി ചക്കരക്കല്ലില്‍ എത്തിയപ്പോള്‍ ബസ്സ്റ്റാന്റില്‍ നിന്നും പൊതുജനങ്ങള്‍ കൈ ചൂണ്ടി കാണിച്ചു. ദേ.. അവിടെയാണ് ചെമ്പിലോട് പഞ്ചായത്ത് കംഫര്‍ട്ട് സ്റ്റേഷന്‍.. അവിടെ എങ്ങനെ സ്ത്രീകള്‍ക്കും, വിദ്യാര്‍ത്ഥിനികള്‍ക്കും എങ്ങനെ അവരുടെ പ്രാഥമിക ആവശ്യങ്ങള്‍ നിറവേറ്റാന്‍ കഴിയും? ലക്ഷങ്ങള്‍ എംഎല്‍എ ഫണ്ട് ഉണ്ട്. എന്നാല്‍ ഇത് ആര്‍ക്കുവേണ്ടി ചെലവഴിച്ചു? ഇതാണ് ചക്കരക്കല്ലിന്റെ ദുരവസ്ഥ… തൊട്ടപ്പുറത്ത് ഇരിവേരി കമ്മ്യൂണിറ്റി ഹെല്‍ത്ത് സെന്റര്‍… നല്ല ഡോക്ടര്‍മാരില്ല.. കുട്ടികളുടെ ഡോക്ടര്‍, ഗൈനക്കോളജിസ്റ്റ്, കിടത്തിചികിത്സ, ആവശ്യത്തിന് ജിവനക്കാര്‍ ഇതൊന്നുമില്ലാതെ പാവങ്ങളെ ദുരിതത്തിലാക്കുന്ന ദുരവസ്ഥയാണ് ഇവിടം.
സാധാരണക്കാരുടെ ജീവല്‍ പ്രശ്‌നങ്ങളോട് മുഖംതിരിക്കുന്ന ഇടത്-വലത് മുന്നണികളെ പരാജയപ്പെടുത്താനുള്ള അനിവാര്യമായ മാറ്റത്തിനും കേന്ദ്രത്തിലെ നരേന്ദ്രമോദി സര്‍ക്കാരിന്റെ ഭരണ നേട്ടങ്ങളുടെ ഗുണങ്ങള്‍ സാധാരണക്കാര്‍ക്ക് ലഭിക്കാനു താമര അടയാളത്തില്‍ വോട്ട് ചെയ്യേണ്ടതിന്റെ പ്രാധാന്യം വിശദീകരിച്ച് മോഹനന്‍ മാനന്തേരി അടുത്ത സ്വീകരണ കേന്ദ്രങ്ങളിലേക്ക്… കൂടെ മണ്ഡലം നേതാക്കളായ ആര്‍.കെ.ഗിരിധരന്‍, ഹരീഷ് ബാബു, ജിനചന്ദ്രന്‍, എ.അനില്‍കുമാര്‍ തുടങ്ങിയവരും.
