ശ്രീകണ്ഠപുരം: മലയോര മേഖലകളിലെ കര്ഷക ഹൃദയങ്ങളില് ആവേശമുയര്ത്തി ഇരിക്കൂര് നിയോജകമണ്ഡലത്തിലെ എന്ഡിഎ സ്ഥാനാര്ത്ഥി എ.പി.ഗംഗാധരന്റെ പര്യടനം മുന്നേറുന്നു. ഇന്നലെ രാവിലെ കൂളാമ്പിയില് നിന്നും ആരംഭിച്ച പര്യടനം മണക്കടവില് സമാപിച്ചു. സ്ത്രീകളും കുട്ടികളും വൃദ്ധരും യുവാക്കളുമടങ്ങുന്ന നൂറുകണക്കിന് പേരാണ് മുഴുവന് സ്ഥലങ്ങളിലും സ്വീകരണ പരിപാടിയില് പങ്കെടുത്തത്. കേരളത്തിലെ കാര്ഷിക മേഖലക്ക് പ്രത്യേക ബജറ്റെന്ന എന്ഡിഎ നയ പ്രഖ്യാപനം കര്ഷകര്ക്ക് ഏറെ ഗുണം ചെയ്യുന്നതാണെന്ന് സ്വീകരണ യോഗങ്ങളില് ഗംഗാധരന് പറഞ്ഞു. കേന്ദ്ര സര്ക്കാര് റെയില്വേക്കും മറ്റും പ്രത്യേക ബഡ്ജറ്റുകള് അവതരിപ്പിക്കുന്നതുപോലെ കാര്ഷിക മേഖലക്കുള്ള പ്രത്യേക ആസൂത്രണമാണ് ഇതുകൊണ്ട് എന്ഡിഎ ഉദ്ദേശിക്കുന്നതെന്ന് ഗംഗാധരന് പറഞ്ഞു. ബിജെപി ഭരിച്ചിരുന്ന കര്ണ്ണാടക, മധ്യപ്രദേശ് എന്നിവിടങ്ങളില് ഇത്തരത്തിലുള്ള ബഡ്ജറ്റ് സംവിധാനം വന്വിജയമായിരുന്നു. ഇത് കാര്ഷിക മേഖലക്ക് വന് ഉണര്വ്വാണുണ്ടാക്കിയത്. ഈ രീതിയില് കേരളത്തിലും കാര്ഷിക ബഡ്ജറ്റ് അവതരിപ്പിക്കുമെന്ന് ഗംഗാധരന് ചൂണ്ടിക്കാട്ടി. ഇരുമുന്നണികളും മതന്യൂനപക്ഷങ്ങളെ പ്രീതിപ്പെടുത്തുവാന് ശ്രമിക്കുകയാണ്. ഇതിനിടയില് സംസ്ഥാനത്തെ ഏറ്റവും വലിയ വിഭാഗമായ കര്ഷകരെ ഇടതുവലതു മുന്നണികള് അവഗണിക്കുകയായിരുന്നെന്നും ഇതിന്ന് ഈ തെരഞ്ഞെടുപ്പോടെ ജനങ്ങള് മറുപടി നല്കുമെന്നും അദ്ദേഹം പറഞ്ഞു. രാവിലെ കൂളാമ്പിയില് വി.എന്.മുരളീധരന് ഉദ്ഘാടനം ചെയ്തു. തുടര്ന്ന് കോട്ടക്കടവ്, കുറ്റിപ്പുഴ, കപ്പണ, നെല്ലിപ്പാറ, രയരോം, തേര്ത്തല്ലി, മേരിഗിരി, മൗവ്വത്താനി, തിമിരി, ചെറുപാറ, പെരിങ്ങാല, കല്ലങ്കോട്ട്, കൂടപ്രം, ചിറ്റടി, കോടോപ്പള്ളി, മുന്നാംകുന്ന്, നെടുവോട്, പരപ്പ, ഉദയഗിരി, താളിപ്പാറ, അരിവിളഞ്ഞപൊയില്, ശാന്തിപുരം, പുല്ലരി, തൂവക്കാട്, ലഡാക്, താവളം എന്നിവിടങ്ങളിലെ സ്വീകരണത്തിന് ശേഷം മണക്കടവില് സമാപിച്ചു.
വിവിധ സ്ഥലങ്ങളില് നേതാക്കളായ കെ.ജെ.മാത്യു, കെ.ഡി.മുരളീധരന്, വി.എന്.മുരളീധരന്, പി.പുരുഷോത്തമന്, പി.വി.ബാലന്, വി.എന്.രവി, കെ.കെ.സോമന്, എന്നിവര് സംസാരിച്ചു. സമാപന സമ്മേളനത്തില് എം.പി.രഘുനാഥ് അധ്യക്ഷത വഹിച്ചു. ദേശീയ സമിതി അംഗം പി.കെ.വേലായുധന്, എ.പി.ഗംഗാധരന്, പി.വി.ബാലന്, വി.എന്.മുരളീധരന് എന്നിവര് സംസാരിച്ചു.
പര്യടനം ഇന്ന് രാവിലെ 9 മണിക്ക് നടുവില് പള്ളിത്തട്ടില് നിന്ന് ആരംഭിക്കും. തുടര്ന്ന് കൊക്കായി, ചെമ്പന്തൊട്ടി, ചാല്വയല്, തോപ്പിലായി, പള്ളം, നിടിയേങ്ങ, നിടിയേങ്ങ സ്കൂള് എന്നിവിടങ്ങളിലും, 11 മണിക്ക് സ്വാമിമഠം, 11.15ന് പയറ്റിയാല്, 11.30ന് ചേപ്പറമ്പ്, 11.45ന് കോട്ടൂര്വയല്, 12 മണിക്ക് കാഞ്ഞിലേരി, 12.15ന് ബാലങ്കേരി, 12.30ന് വയക്കര, 12.45 മടമ്പം എന്നിവിടങ്ങളില് പര്യടനം നടത്തും. വൈകുന്നേരം 5.15ന് മാട്ടറയില്നിന്ന് ആരംഭിച്ച് 5.30ന് വട്ട്യാംതോട്, 6 മണിക്ക് പുറവയല് എന്നിവിടങ്ങളിലെ സ്വീകരണത്തിന് ശേഷം 6.30ന് ഉളിക്കലില് സമീപിക്കും.
