പാലാ: എന്‍ഡിഎ പാലാ നിയോജകമണ്ഡലം വികസന രേഖ പുറത്തിറക്കി. എല്ലാ മേഖലയിലും വികസനത്തിന്റെ സദ്ഫലങ്ങള്‍ എന്നതാണ് എന്‍ഡിഎ സമമതിദായകര്‍ക്കുമുന്നില്‍ സമര്‍പ്പിക്കുന്ന വികസന ദര്‍ശനം.
കൃഷിയുടെ വൈവിധ്യവത്ക്കരണം, എല്ലാവര്‍ക്കും അന്നം, വെള്ളം, മണ്ണ്, കിടപ്പാടം എന്നീ അടിസ്ഥാന ആവശ്യങ്ങള്‍ ലഭ്യമാക്കല്‍, കാര്‍ഷികാടിസ്ഥാനത്തിലുള്ള ചെറുകിട- ഇടത്തരം വ്യവസായങ്ങള്‍, വിദ്യാസമ്പന്നരായ യുവാക്കള്‍ക്ക് തൊഴില്‍ സംരംഭങ്ങള്‍, ആരോഗ്യം, വിദ്യാഭ്യാസം, പട്ടികജാതി വിഭാഗങ്ങള്‍ക്ക് സുസ്ഥിര വികസനം ലഭ്യമാക്കല്‍, തൊഴില്‍-പാര്‍പ്പിടം എന്നീ രംഗങ്ങളില്‍ വര്‍ദ്ധിച്ച പൊതുനിക്ഷേപം, സഹകരണ മേഖലയെ അഴിമതിമുക്തമാക്കല്‍, നദികളുടേയും തോടുകളുടേയും സംരക്ഷണം, പരിസ്തിഥി സംരക്ഷണം എന്നിവയും ഉള്‍പ്പെടുത്തിയാണ് എന്‍ഡിഎ യുടെ വികസന രേഖ.
കേന്ദ്രസര്‍ക്കാറിന്റെ പദ്ധതികളായ ജെന്‍ ധന്‍ യോജന, വിവിധ ഇന്‍ഷുറന്‍സ് പദ്ധതികള്‍, സുകന്യാ സമൃദ്ധി യോജന, മുദ്രാബാങ്ക് വഴി തൊഴില്‍ വായ്‌പ, സൗജന്യ പാതക വാതക കണക്ഷന്‍ തുടങ്ങി പൊതുജനങ്ങള്‍ പങ്കാളികളാകാത്ത പദ്ധതികള്‍ മുഴുവന്‍ കുടുംബങ്ങള്‍ക്കും പ്രയോജനം ഉണ്ടാവത്ത വിധം പദ്ധതി നടപ്പിലാക്കും. റബ്ബര്‍ മേഖലയുടെ പുനരുദ്ധാരണത്തിന് ചെറുകിട -ഇടത്തരം വ്യവസായ ശൃംഖല സ്ഥാപിക്കും. കേന്ദ്ര ബജറ്റ് നിര്‍ദ്ദേശങ്ങളില്‍ ഏറ്റവും ശ്രദ്ധേയമായ ഇ-മാര്‍ക്കറ്റ് സംവിധാനം പാലാ നിയോജകമണ്ഡലത്തില്‍ ആരംഭിക്കും. പാലായിലെ മണ്‍മറഞ്ഞ സാംസ്‌ക്കാരിക നായകന്മാരുടെ സ്മരണ നിലനിര്‍ത്താന്‍ രാമപുരം കേന്ദ്രമായി സാംസ്‌ക്കാരിക കേന്ദ്രം പാലായിലൂടെ കടന്നുപോകുന്ന ശബരിമല തീര്‍ത്ഥാടകര്‍ക്കായി ദേവസ്വം ബോര്‍ഡ്, മുനിസിപ്പാലിറ്റി, ക്ഷേത്രഭരണസമിതി എന്നിവരുടെ സഹകരണത്തോടെ വിശ്രമകേന്ദ്രം ആരംഭിക്കു. വിശുദ്ധ അല്‍ഫോന്‍സാമ്മയുടെ ദേവാലയം സ്ഥിതി ചെയ്യുന്ന ഭരണങ്ങാനത്തുനിന്നും കേരളത്തിന്റെ എല്ലാ ഭാഗത്തേക്കും കൂടുതല്‍ ബസ് സര്‍വ്വീസ് ആരംഭിക്കും, സഞ്ചരിക്കുന്ന കര്‍ഷക മാര്‍ക്കറ്റ്, സഞ്ചരിക്കുന്ന മൃഗാശുപത്രി, കാര്‍ഷിക ബാങ്ക് എന്നിവയും എന്‍.ഡി. എ.യുടെ വികസന രേഖയിലെ പ്രധാന ഇനങ്ങളാണ്.
എന്‍.ഡി.എ.പാലാ നിയോജകമണ്ഡലം ചെയര്‍മാന്‍ മോഹനന്‍ പനയ്‌ക്കല്‍, ജനറല്‍ കണ്‍വീനര്‍ അനീഷ് പുല്ലുവേലില്‍ എന്നിവരുടെ നേതൃത്വത്തിലാണ് വികസന രേഖയ്‌ക്ക് രൂപം നല്‍കിയത്.
