കണ്ണപുരം: മൊട്ടമ്മല് പെരുന്തോട്ടം നീലിയാര് ഭഗവതീക്ഷേത്രം ശ്രീമദ് ഭാഗവത സപ്താഹ യജ്ഞം നാളെ ആരംഭിക്കും. നാളെ വൈകുന്നേരം 4 മണിക്ക് പാളിയത്ത് വളപ്പ് മുത്തപ്പന് മടപ്പുര പരിസരത്ത് നിന്ന് ക്ഷേത്രത്തിലേക്ക് കലവറ നിറക്കല് ഘോഷയാത്ര. തുടര്ന്ന് 6.30ന് സാംസ്കാരിക സമ്മേളനം ടി.വി.രാജേഷ് എംഎള്എ ഉദ്ഘാടനം ചെയ്യും. പഞ്ചായത്ത് മെമ്പര് എ.ലക്ഷ്മണന് അധ്യക്ഷത വഹിക്കും. പഞ്ചായത്ത് മെമ്പര് ടി.വി.രാജമണി, സംസ്ഥാന പരിവര്ത്തിത ശുപാര്ശിത കോര്പ്പറേഷന് ഡയറക്ടര് രാജേഷ് പാലങ്ങാട്ട്, നവോദയ വിദ്യാലയം അധ്യാപകന് പി.രാജേഷ്, ആറന്മുള എഞ്ചിനിയറിംഗ് കോളേജ് അസി.പ്രൊഫസര് ഡോ.പി.ഉമേഷ് എന്നിവര് പ്രസംഗിക്കും. തുടര്ന്ന് പയ്യന്നൂര് നാട്ടു സംസ്കൃതി ഡയറക്ടര് ആര്.സി.കരിപ്പത്ത് പ്രഭാഷണം നടത്തും.
8ന് വൈകുന്നേരം 5ന് യജ്ഞാചാര്യന് കാവനാട് രാമന് നമ്പൂതിരിയെ പൂര്ണ്ണകുംഭം നല്കി സ്വീകരിക്കും. തുടര്ന്ന് പൂന്തോട്ടം പുടവരില്ലത്ത് പാണ്ഡുരംഗന് നമ്പൂതിരിപ്പാട് ഭാഗവത സപ്താഹ ദീപം പ്രോജ്വലനം നിര്വ്വഹിക്കും. തുടര്ന്ന് എല്ലാ ദിവസവും രാവിലെ 6.30 മുതല് 12.45വരെയും 12.15മുതല് 6.15വരെയും ഭാഗവത പാരായണവും പ്രഭാഷണവും ഉണ്ടാകും. എല്ലാ ദിവസം വൈകിട്ട് 7 മണിക്ക് ശേഷം കലാസാംസ്കാരിക പരിപാടികള് നടക്കും. യജ്ഞദിവസങ്ങളില് ഉച്ചയ്ക്ക് പ്രസാദ ഊട്ട് ഉണ്ടാകും.
