ഇരിട്ടി: എന്ഡിഎ പേരാവൂര് നിയോജകമണ്ഡലം സ്ഥാനാര്ത്ഥി പൈലി വാത്യാട്ടിന്റെ തെരഞ്ഞെടുപ്പ് പ്രചാരണ പരിപാടി മൂന്നാം ദിവസത്തിലേക്ക് കടക്കുമ്പോള് വന് ആവേശത്തോടെയാണ് മലയോര മേഖലയിലെ ജനങ്ങള് അദ്ദേഹത്തെ ശ്രവിക്കാനെത്തുന്നത്. പേരാവൂര് മണ്ഡലത്തിലെ നിരവധിയായ പ്രശ്നങ്ങള് നിരത്തി സ്ഥാനാര്ഥിയടക്കം എന്ഡിഎയുടെ നേതാക്കള് പങ്കെടുക്കുന്ന പൊതുയോഗങ്ങള് മണ്ഡലത്തിലെ മുക്കിലും മൂലയിലും നടക്കുമ്പോള് അവ ജനങ്ങള് നെഞ്ചേറ്റുന്ന അവസ്ഥയാണ് എല്ലായിടങ്ങളിലും.
യാത്രയുടെ രണ്ടാം ദിവസമായ ഇന്നലെ വള്ളിത്തോട് നിന്നും ആരംഭിച്ച പര്യടനം പെരിങ്കരി, കൂമന്തോട്, വിളമന, പുതുശ്ശേരി, പെരുമ്പറമ്പ്, വിളക്കോട്, അയ്യപ്പന്കാവ്, പാലപ്പുഴ, കൊരഞ്ഞി, തുടങ്ങിയ സ്ഥലങ്ങളിലൂടെ കാക്കയങ്ങാട് ടൗണില് സമാപിച്ചു.
വള്ളിത്തോട്ടില് കേരളാ കോണ്ഗ്രസ് ജില്ലാ പ്രസിഡന്റ് വര്ക്കി വട്ടപ്പാറ ഉദ്ഘാടനം ചെയ്തു. ബിജെപി ജില്ലാ സെക്രട്ടറി കൂട്ട ജയപ്രകാശ്, മണ്ഡലം പ്രസിഡന്റ് പി.കൃഷ്ണന്, രാമദാസ് എടക്കാനം, എന്ഡിഎ നേതാക്കളായ പി.എന്.ബാബു മാസ്റ്റര്, കെ.വി.അജി, സി.ബാബു, മനോഹരന് വയോറ, പി.കെ.ദാസന്, ഗിരീഷ് പാലപ്പുഴ, എം.ആര്.സുരേഷ്, പി.ജി.രാമകൃഷ്ണന്, പി.കെ.ചന്ദ്രന്, മുരളീധരന് കാക്കയങ്ങാട്, അരുണ് വട്ട്യറ, സജിത്ത് കീഴൂര്, അജയകുമാര് എടക്കാനം, ചന്ദ്രമതി ടീച്ചര്, നിര്മ്മല അനിരുദ്ധന്, ശങ്കരന് പുതുശ്ശേരി, സി.രാമചന്ദ്രന്, രാജു ഇരിക്കൂര്, സോണി സബാസ്റ്റ്യന് തുടങ്ങിയവര് പ്രസംഗിച്ചു.
ഇന്ന് കണിച്ചാര്, കൊട്ടിയൂര്, കേളകം പഞ്ചായത്തുകളിലെ ചെട്ടിയാം പറമ്പ്, ഇല്ലിമുക്ക്, വലയംച്ചാല്, മഞ്ഞളാംപുറം, വെള്ളൂന്നി, ച്ചുങ്കക്കുന്നു, പാല്ച്ചുരം, അമ്പായത്തോട്, മന്ദംചേരി, ചപ്പമല, നീണ്ടുനോക്കി തുടങ്ങിയ സ്ഥലങ്ങളില് പര്യടനം നടത്തും. ചെട്ടിയാംപറമ്പില് നിന്നും ആരംഭിക്കുന്ന പര്യടനം കേരളാ കോണ്ഗ്രസ് കണ്ണൂര് ജില്ലാ പ്രസിഡന്റ് വര്ക്കി വട്ടപ്പാറ ഉദ്ഘാടനം ചെയ്യും.
