ചെങ്ങന്നൂര്: ഗുരുവിന്റെ ദര്ശനങ്ങള്ക്ക് അധിഷ്ഠിതമായുള്ള ഭരണമാണ് മോദി ഭാരത്തില് നടത്തുന്നതെന്ന് എസ്എന് ഡയറക്ടര്ബോര്ഡ് അംഗം പ്രീതി നടേശന്. എസ്എന്ഡിപി യോഗം ചെങ്ങന്നൂര് യൂണിയന് വനിതാസംഘം സംഘടിപ്പിച്ച വനിതാ സംഗമം ഉദ്ഘാടനം ചെയ്യുകയായിരുന്നു അവര്. ഗുരുവിഭാവനം ചെയ്ത വ്യക്തിശുചിത്വം, പരിസരശുചിത്വം എന്നിവ ശുചിത്വ മിഷന് പരിപാടിയില് കൂടി നടപ്പിലാക്കി ഭാരതത്തെ ലോകത്തിന്റെ നെറുകയില് എത്തിക്കാന് നരേന്ദ്രമോദിയുടെ പ്രവര്ത്തനങ്ങള്ക്ക് കഴിയും.
യുപിഎ ഗവണ്മെന്റിന്റെ കാലത്ത് ജില്ലയില് നിന്നും നാല് മന്ത്രിമാര് ഉണ്ടായിരുന്നിട്ടും നാടിനുവേണ്ടി ഒന്നും ചെയ്തില്ല. പദ്ധതി വിഹിതമായി ഓരോ സംസ്ഥാനങ്ങള്ക്ക് കൊടുക്കുന്നതിനേക്കള് കൂടുതല് കാര്യങ്ങള് മോദി സര്ക്കാര് കേരളത്തില് നടപ്പാക്കുന്നുണ്ട്.
മോദി ഗവണ്മെന്റ്കേരളത്തില് നടപ്പാക്കിയിട്ടുള്ള കോടിക്കണക്കിന് പദ്ധതികള് അക്കമിട്ട് നിരത്തിയായിരുന്നു പ്രീതി നടേശന്റെ പ്രസംഗം. കേന്ദ്ര ഗവണ്മെന്റ് നടപ്പാക്കിയ പദ്ധതികള് തന്റെ ശ്രമഫലമായി കിട്ടിയതാണന്ന പറഞ്ഞ് ഫഌക്സ് അടിച്ച് വയ്ക്കുകയാണ് ഇവിടുത്തെ മന്ത്രിമാരും എംപിയും എംല്എയും ചെയ്യുന്നതെന്നും അവര് കുറ്റപ്പെടുത്തി.
എന്ഡിഎ സ്ഥാനാര്ത്ഥി പി.എസ്. ശ്രീധരന്പിള്ള മുഖ്യഅതിഥിയായിരുന്നു. യൂണിയന് സെക്രട്ടറി അനു.സി.സേനന് മുഖ്യപ്രഭാഷണം നടത്തി.
