കണ്ണൂര്‍: ചെറുകുന്നില്‍ നടക്കുന്ന ഫുട്‌ബോള്‍ ടൂര്‍ണമെന്റില്‍ കെല്‍ട്രോണിന്റെ പേരില്‍ വ്യാജഫുട്‌ബോള്‍ ടീം. യുനൈറ്റഡ് വെറ്ററന്‍സ് ഫുട്‌ബോള്‍ ടീം പാപ്പിനിശ്ശേരി സംഘടിപ്പിക്കുന്ന ഫുട്‌ബോള്‍ ടൂര്‍ണമെന്റിലാണ് കെല്‍ട്രോണിന്റെ പേരില്‍ ഫുട്‌ബോള്‍ ടീം കളിക്കാനിറങ്ങുന്നത്. എന്നാല്‍ കമ്പനിയുടെ അറിവോ സമ്മതമോ ഇല്ലാതെ സ്ഥാപനത്തിന്റെ പേര് ദുരുപയോഗം ചെയ്ത് കൊണ്ട് ചട്ടവിരുദ്ധമായ നടപടിയിലൂടെ സ്ഥാപനത്തിലെ ഒരു ഉന്നതന്റെ സ്വാധീനത്തിലാണ് ടീമിനെ കളത്തിലിറക്കുന്നതെന്നാണ് സൂചന. ജയിക്കുന്ന ടീമിന് ഭീമമായ തുക പ്രൈസ്മണി ലഭിക്കുന്ന ഈ ടൂര്‍ണമെന്റില്‍ വളരെ ആസൂത്രിതമായാണ് കാര്യങ്ങള്‍ നടക്കുന്നത്. പ്രൈസ്മണിക്ക് പുറമെ ഓരോ കളിക്കും പ്രത്യേകം അലവന്‍സും ലഭിക്കും. കടുത്ത സാമ്പത്തിക ബാധ്യതകാരണം ജീവനക്കാര്‍ക്ക് ശമ്പളം പോലും കൃത്യമായി നല്‍കാന്‍ സാധിക്കാത്ത സാഹചര്യത്തിലാണ് പതിനനഞ്ച് വര്‍ഷം മുന്‍പ് കെല്‍ട്രോണ്‍ ഫുട്‌ബോള്‍ ടീം പിരിച്ചുവിട്ടത്. അടുത്തകാലത്ത് കെല്‍ട്രോണിന്റെ പേരില്‍ മദ്രാസില്‍ ടീമിനെ ഇറക്കുകയും സംഘാടകര്‍ തന്നെ ചെയര്‍മാനും എംഡിക്കും പരാതിയ നല്‍കിയതിനെ തുടര്‍ന്ന് പിന്‍വലിക്കുകയായിരുന്നു. ഭരണകക്ഷിയൂനിയനില്‍പ്പെട്ട നേതാവും മുന്‍ ഫുട്‌ബോള്‍ താരവുമായ രാളാണ് ഇതിന് പിന്നിലെന്നാണ് ആരോപണം. കെല്‍ട്രോണ്‍ ടീമില്‍ കമ്പനിയുടെ മുന്‍നിര താരങ്ങളെയൊന്നും ഉള്‍പ്പെടുത്താതെ ചിലരുടെ ഇഷ്ടത്തിന് കണ്ണൂരിലെ മറ്റ് ക്ലബ്ബുകളിലെ കളിക്കാരെ ഉള്‍പ്പെടുത്തിയാണ് ടീമുണ്ടാക്കിയതെന്നാണ് ആരോപണം. എന്നാല്‍ ഇത്തരം ചട്ടവിരുദ്ധ പ്രവര്‍ത്തനങ്ങള്‍ ശ്രദ്ധയില്‍പ്പെട്ടിട്ടും സ്ഥാപനമേധാവി യാതൊരുവിധ നടപടിയും സ്വീകരിക്കാത്തതിലും ദുരൂഹതയുണ്ട്. കെല്‍ട്രോണ്‍ എന്ന പേര് ഔദ്യോഗികമായി കമ്പനിക്ക് മാത്രമേ ഉപയോഗിക്കാന്‍ പറ്റുകയുള്ളൂ. ചില സങ്കുചിത താത്പര്യക്കാരുടെ സാമ്പത്തിക താല്‍പ്പര്യങ്ങള്‍ക്ക് വേണ്ടി കെല്‍ട്രോണ്‍ എന്ന പേര് ഉപയോഗിക്കുന്നത് നിയമവിരുദ്ദമാണ്. നിലവില്‍ കമ്പനിക്ക് സ്വന്തമായി ഫുട്‌ബോള്‍ ടീം ഇല്ലാത്ത സാഹചര്യത്തില്‍ കമ്പനിയുടെ അനുവാദമില്ലാതെ ഫുട്‌ബോള്‍ ടീമിനെ കളത്തിലിറക്കുന്നതിനെതിരെ നടപടിയെടുക്കണമെന്ന ആവശ്യം ശക്തമാണ്.
കണ്ണൂര്‍ കെല്‍ട്രോണിന്റെ പേരില്‍ വ്യാജ ഫുട്‌ബോള്‍ ടീം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.