ചെറുപുഴ: വേനല് കടുത്തതോടെ മലയോര പഞ്ചായത്തുകളായ ചെറുപുഴ, പെരിങ്ങോം വയക്കര, എരമം കൂറ്റൂരുര് പഞ്ചായത്തുകളിലെ വിവിധ പ്രദേശങ്ങള് കടുത്ത കുടിവെള്ള ക്ഷാമത്തിലേക്ക്.കിണറുകളും കുളങ്ങളും തോടുകളും വറ്റിവരണ്ടുകൊണ്ടിരിക്കുകയാണ്. മേഖലയിലെ പ്രധാന ജലസ്രേതസ്സായ കാര്യങ്കോട് പുഴയിലെ നീരൊഴുക്ക് പൂര്ണമായി നിലച്ചു. ചെറുപുഴ പഞ്ചായത്തിലെ കോറാളി, തിരുമേനി, പരുത്തിക്കല്ല്, പാറോത്തുംനീര്, ചൂരപ്പടവ്,കൊട്ടത്തലച്ചി,തട്ടുമ്മല്,പെരിങ്ങോം വയക്കരയിലെ മടക്കാംപൊയില്, കരക്കാട്, പെരിന്തട്ട, എരമം കൂറ്റൂരിലെ കക്കറ, കായപ്പൊയില്, പുറവട്ടം തുടങ്ങിയ പ്രദേശങ്ങളിലെല്ലാം കുടിവെള്ളക്ഷാമം രൂക്ഷമാണ്. ചിലയിടങ്ങളില് കിലോമീറ്ററുകളോളം തലച്ചുമടായാണ് കുടിവെള്ളമെത്തിക്കുന്നത്. വരള്ച്ചയെ തുടര്ന്ന് ജാതി, കുരുമുളക്, കമുക് മുതലായ കൃഷികള് നാശത്തെ നേരിടുകയാണ്.തെങ്ങിന്റെ ഓലവീഴുന്ന ദ്രൂതവാട്ടവും വ്യാപകമാണ്.മലയോരത്തെ പ്രധാന തോടുകളായ തിരുമേനി, പാക്കഞ്ഞിക്കാട്, മഞ്ഞക്കാട് തോടുകള് വറ്റിവരണ്ടു. തോടുകള് വറ്റിയതോടെ കുഴികള് കുഴിച്ച് വെള്ളം ശേഖരിച്ചാണ് ജനങ്ങള് ക്ഷാമം പരിഹരിക്കുന്നത്. ജലസംഭരണത്തിനായി നിര്മ്മിച്ച തടയണകളും വറ്റി. ചിലവ സംരക്ഷണമില്ലാത്തതിനാല് നേരത്തെ തന്നെ നാശത്തിലാണ്. ജലസ്രോതസ്സുകള് വറ്റിയതോടെ കൃഷിയിടങ്ങളില് വെള്ളമെത്തിക്കുന്നതിന് കര്ഷകരും കഷ്ടപ്പെടുകയാണ്.
മലയോരം കടുത്ത വരള്ച്ചയിലേക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.