കാഞ്ഞിരപ്പള്ളി: പുത്തനങ്ങാടി കെഎസ്ഇബി ജംഗ്ഷനിലെ വെള്ളക്കെട്ട് കാല്നടയാത്രികര്ക്ക് ദുരിതമാകുന്നു. മഴ പെയ്യുന്നതോടെ റോഡില് വെള്ളം നിറയുന്നതോടെ യാത്രദുസഹമായി.
സിവില് സ്റ്റേഷന്, പോലീസ് സ്റ്റേഷന്, സെന്റ് ഡൊമിനിക്സ് സ്കൂള്, എസ്ബിടി, കെഎസ്ഇബി തുടങ്ങിയ സ്ഥാപനങ്ങളിലേയ്ക്ക് പോകുന്നതിനുള്ള വഴിലാണ് വെള്ളകെട്ട് രൂപപ്പെട്ടിരിക്കുന്നത്.
സമീപത്തു പ്രവര്ത്തിക്കുന്ന വ്യാപാരസ്ഥാപനങ്ങളിലേയ്ക്കും വെള്ളം കയറുന്നതും ബുദ്ധിമുട്ടാകുകയാണ്. വാഹനങ്ങള് കടന്നുപോകുമ്പോള് യാത്രക്കാരുടെ ദേഹത്ത് ചെളിവെള്ളം തെറിക്കുന്നതും പതിവാണ്. കാഞ്ഞിരപ്പള്ളി നഗരത്തില് ഏറ്റവും തിരക്കേറിയ സമാന്തരപാതയായി ഉപയോഗിക്കുന്ന റോഡ് സ്വകാര്യ റോഡായതിനാല് അറ്റകുറ്റ പണികള് നടത്താന് കഴിയുന്നില്ല. ടാറിങ് ഇളകി മെറ്റലുകള് നിറഞ്ഞ റോഡിലെ കുഴികളില് വെള്ളക്കെട്ട് രൂപപ്പെടുന്നതോടെ ഇതു വഴിയുള്ള യാത്ര ദുഷ്ക്കരമായിരിക്കുകയാണ്.
