മുംബൈ: പരിക്കേറ്റ യുവരാജ് സിങ്ങിനു പകരം മനീഷ് പാണ്ഡെ ഇന്ത്യന് ടീമില്. ട്വന്റി20 ലോകകപ്പില് ശേഷിക്കുന്ന മത്സരങ്ങള്ക്കുള്ള ടീമിലേക്കാണ് പാണ്ഡെയെ ഉള്പ്പെടുത്തിയത്. ഓസ്ട്രേലിയയ്ക്കെതിരായ അവസാന ഗ്രൂപ്പ് മത്സരത്തിനിടെയാണ് യുവരാജ് സിങ്ങിന്റെ കാല്ക്കുഴയ്ക്ക് പരിക്കേറ്റത്. യുവരാജിനെ മുംബൈയില് എംആര്ഐ സ്കാനിങ്ങിന് വിധേയമാക്കി. ഇതിന്റെ ഫലത്തിനായി കാത്തിരിക്കുകയാണ് ടീം മാനെജ്മെന്റ്.
യുവരാജിന് കളിക്കാനാകില്ലെന്ന സാഹചര്യം മുന്നില്ക്കണ്ടാണ് പാണ്ഡെയെ ടീമിലേക്ക് വിളിച്ചത്. മെഡിക്കല് റിപ്പോര്ട്ട് തൃപ്തികരമെങ്കില് യുവരാജ് തന്നെ ടീമില് തുടരും. ഇന്ത്യയ്ക്കായി രണ്ട് ട്വന്റി20 മത്സരങ്ങളില് കളിച്ചിട്ടുണ്ട് പാണ്ഡെ. 2015 ജൂലൈയില് സിംബാബ്വെയ്ക്കെതിരെ ഈ മത്സരങ്ങള്. ഈ വര്ഷം തുടക്കത്തില് ഓസ്ട്രേലിയയ്ക്കെതിരായ ഏകദിന പരമ്പരയിലെ അവസാന മത്സരത്തില് സിഡ്നിയില് കന്നി സെഞ്ചുറി നേടി പാണ്ഡെ.
