ചങ്ങനാശ്ശേരി: കവിയൂര് റോഡിലെ സ്വകാര്യ ആശുപത്രിക്ക് മുന്നില് ഐസിഒ കവലയിലെ ട്രാന്സ്ഫോര്മറിന് ചുവട്ടിലെ മാലിന്യവും, മലിനജലവും ലൈന്മാന്മാര്ക്ക് തലവേദനയാകുന്നു. ഇതുമൂലം കഴിഞ്ഞവാരം തുടര്ച്ചയായി മണിക്കൂറുകളോളം വൈദ്യുതി മുടങ്ങിയിരുന്നു. വിഷയത്തിന്റെ ഗൗരവം നഗരസഭാ അധികൃതരെ അറിയിച്ചിട്ടും ഫലമില്ലെന്ന് വൈദ്യുതിബോര്ഡ് അധികൃതര് പറയുന്നു. ട്രാന്സ്ഫോര്മറിലെ ഫ്യൂസ്തകരാര് പരിഹരിക്കാന് പോകില്ലെന്നാണ് ലൈന്മാന്മാര് പറയുന്നത്. ട്രാന്സ്ഫോര്മറിന്റെ ചുറ്റുവേലിക്കുള്ളില് പോലും മാലിന്യം നിറച്ച പ്ലാസ്റ്റിക് ബാഗുകളും ഓടയിലെ മലിന ജലവും തങ്ങിനില്ക്കുകയാണെന്ന് ലൈന്മാന്മാര് പറയുന്നു. പകല് ചൂട് കൂടിയതിനാല് വൈദ്യുതി ഉപയോഗം വര്ദ്ധിക്കുകയും ഫ്യൂസ് തകരാറിലാകുകയും പതിവാണെന്ന് ഉപഭോക്താക്കള് പരാതിപ്പെടുന്നു. ശുചീകരണ നടപടികള് ഉണ്ടായാല് മാത്രമേ ലൈന്മാന്മാര്ക്ക് എന്തെങ്കിലും ചെയ്യാന് കഴിയൂ എന്ന് വൈദ്യുതിബോര്ഡ് ഉന്നതാധികാരികള് വ്യക്തമാക്കുന്നു. എം.സി റോഡില് പെരുന്ന പെട്രോള് ബങ്കിന് സമീപത്തും സ്ഥിതി വ്യത്യസ്ഥമല്ലെന്നും അവര് പറയുന്നു.
ട്രാന്സ്ഫോര്മറിന്റെ ചുവട്ടില് മാലിന്യ നിക്ഷേപം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.