ലണ്ടന്: ബെല്ജിയത്തില് ഭീകരത വളരാന് കാരണം സൗദി സലഫി സ്വാധീനമെന്ന് മാധ്യമങ്ങള്. 60കള് മുതല് സൗദി സലഫി മതപ്രചാരകര് ഇവിടം താവളമാക്കിയിരുന്നു. അവരെ കുടിയിരുത്തിയതാണ് വിനയായത്. റിപ്പോര്ട്ടുകളില് പറയുന്നു.
എണ്ണക്കരാര് നേടാനായി ബെല്ജിയം രാജാവ് ബൗദിന് സൗദി രാജാവ് ഫൈസലിന് മുന്നില് ഒരു വാഗ്ദാനം വച്ചു. തലസ്ഥാനത്ത് മോസ്ക് പണിയാം, സൗദി പുരോഹിതനെയും നിയോഗിക്കാം. 1967ലായിരുന്നു ഇത്. ഈ സമയത്ത് മൊറോക്കോ തുര്ക്കി എന്നീ മുസഌം രാജ്യങ്ങളില് നിന്നുള്ളവര് കുറഞ്ഞ ശമ്പളത്തിന് ജോലിക്കായി ബെല്ജിയത്തിലേക്ക് ഒഴുകുന്ന കാലം. അങ്ങനെ ഈ മോസ്ക് മൊറോക്കോയിലും തുര്ക്കിയിലും നിന്നുള്ളവര്ക്ക് പ്രാര്ഥന നടത്താന് സൗകര്യമായി.
നഗരത്തിലുണ്ടായിരുന്ന പവലിയന് 99 വര്ഷത്തേക്ക് സൗദിക്ക് പാട്ടത്തിന് നല്കി അത് മോസ്ക്കാക്കി. 1978ല് പുതുക്കി ഗ്രേറ്റ് മോസ്ക്ക് ഓഫ് ബ്രസല്സ് ആക്കി. ഇത് സലഫി മതപ്രചാകരുടെ താവളമായി.ഇന്ന് ബ്രസല്സില് ആറു ലക്ഷത്തിലേറെ മൊറോക്കക്കാരും തുര്ക്കിക്കാരുമുണ്ട്.
ഇന്ന് ബെല്ജിയം ഭീകരരുടെ പറുദീസയാണ്. പാരീസ് അക്രമണത്തിന് ഭീകരര് ആയുധം വാങ്ങിയത് ബ്രസല്സില് നിന്നാണ്. മുഖ്യപ്രതി സാലാ അബ്ദു സലേം കഴിയുന്നതും ബ്രസല്സിലാണ്.
