മട്ടാഞ്ചേരി: പൈങ്കുന്നി ഉത്രം മഹോത്സവം ആഘോഷത്തിന്റെ ഭാഗമായി ഇന്നുമുതല് കാവടിഘോഷയാത്രകള്, താലം വരവ്, ഊഞ്ഞാലാട്ടം എന്നിവ ആരംഭിക്കും. വടക്കേ ചെറളായി ഗോപാല കൃഷ്ണ ക്ഷേത്രത്തിലെ മുരുക പ്രതിഷ്ഠയുമായി ബന്ധപ്പെട്ട് നടക്കുന്ന ആഘോഷമാണ് പൈങ്കുന്നി മഹോത്സവം. മട്ടാഞ്ചേരി ദേശത്തെ വിവിധ ഭാഗങ്ങളില് നിന്നുള്ള കാവടി താലം എഴുന്നള്ളിപ്പുകളില് നൂറുകണക്കിന് ഭക്തരാണ് പങ്കെടുക്കും. പോര്ച്ചുഗീസ് പീഡനത്തെ തുടര്ന്ന് സാംസ്ക്കാരിക രക്ഷയ്ക്കായി ഗോവയില് നിന്ന് പാലായനം ചെയ്ത് കൊച്ചിയില് വാസമുറപ്പിച്ച കൊങ്കണി സമൂഹമാണ് കുഡുംബി സമൂഹം. വൈകുന്നേരങ്ങളില് നടക്കുന്ന ഭജന ഗേപാല കൃഷ്ണമഠമായും തുടര്ന്ന് ദേവ പ്രതിഷ്ഠ നടത്തി ക്ഷേത്രമായി ഉയരുകയും ചെയ്തതായാണ് പഴമക്കാര് പറയുന്നു. ആഴകത്ത് ശാസ്ത്ര ശര്മ്മന് നമ്പൂതിരിപ്പാട് തന്ത്രിയായുള്ള ക്ഷേത്രത്തില് വിവിധ വിശേഷ ദിനങ്ങളിലും പ്രത്യേക ചടങ്ങുകളും നടക്കുന്നുണ്ട്.
പാണ്ടിക്കുടി, കുവപ്പാടം, യക്ഷിക്കാവ്, പള്ളിയറക്കാവ് ക്ഷേത്രം എന്നിവിടങ്ങളില് നിന്നാണ് കാവടി ഘോഷയാത്രകള് തുണ്ടിപ്പറമ്പിലെ ക്ഷേത്രത്തിലെത്തിച്ചേരും. ഉതം ഉത്സവത്തിന് തുടക്കം കുറിച്ച് ഇന്നലെ യക്ഷിക്കാവിലും. തുണ്ടിപറമ്പ് ക്ഷേത്രത്തിലും അന്നദാനവും ആയില്യംപൂജ സര്പ്പം പാട്ട് എന്നിവ നടന്നു. ഇന്ന് വൈകിട്ട് 6ന് ആല്ത്തറ ഭഗവതി ക്ഷേത്രത്തില് നിന്ന് താലം വരവ്, പള്ളിയറക്കാവ് ക്ഷേത്രത്തില് നിന്ന് കാവടി ഘോഷയാത്ര നടക്കും. നാളെ വൈകിട്ട് ക്ഷേത്രത്തില് സുബ്രമണ്യസ്വാമി ഊഞ്ഞാലാട്ടം നടക്കും. രാത്രി 8ന് യക്ഷിക്കാവ് നിന്നും പാണ്ടിക്കുടിയില് നിന്നുമുള്ള കാവടി ഘോഷയാത്രകള് എഴുന്നള്ളും. ബുധനാഴ്ച ഉത്രം നാളില് രാവിലെ 10ന് ചെറളായി ഉദ്യാനേശ്വരം ശിവക്ഷേത്രത്തില് നിന്ന് പാല്ക്കാവടി എഴുന്നള്ളിപ്പും.രാത്രി 8 ന് പഴയന്നൂര് ഭഗവതി ക്ഷേത്രത്തില് നിന്ന് ഭസ്മക്കാവടി എഴുന്നള്ളിപ്പും നടക്കും.
