കൊച്ചി: പെരുമ്പാവൂര് വെങ്ങോല മേഖലയിലെ ലൈസന്സില്ലാത്ത പ്ലൈവുഡ് ഫാക്ടറികള് രണ്ടുമാസത്തിനുള്ളില് അടച്ചു പൂട്ടുന്നതിനു നടപടി സ്വീകരിക്കണമെന്ന് ഹൈക്കോടതി ഉത്തരവിട്ടു. മലിനീകരണ നിയന്ത്രണ ബോര്ഡും സംസ്ഥാന സര്ക്കാരും ഈ ഫാക്ടറികള്ക്ക് നോട്ടീസ് നല്കി നടപടിക്രമം പാലിച്ച് അടച്ചുപൂട്ടണമെന്ന് ഉത്തരവില് പറയുന്നു.
വെങ്ങോല പഞ്ചായത്തിലെ പരിസ്ഥിതി പ്രശ്നങ്ങള് ചൂണ്ടിക്കാട്ടി ടി.കെ. കുര്യന് ഉള്പ്പെടെയുള്ളവര് സമര്പ്പിച്ച ഒരുകൂട്ടം ഹര്ജികളിലാണ് ചീഫ് ജസ്റ്റീസ് അശോക് ഭൂഷണ്, ജസ്റ്റീസ് എ.എം. ഷെഫീഖ് എന്നിവരുള്പ്പെട്ട ഡിവിഷന് ബെഞ്ചിന്റെതാണ് ഉത്തരവ്. കഴിഞ്ഞ ഫെബ്രുവരിയില് സംസ്ഥാന സര്ക്കാര് ഹൈക്കോടതിയില് നല്കിയ കണക്കനുസരിച്ച് വെങ്ങോല പഞ്ചായത്തിന്റെ അനുമതിയില്ലാതെ 149 പ്ലൈവുഡ് ഫാക്ടറികളും മലിനീകരണ നിയന്ത്രണ ബോര്ഡിന്റെ അനുമതിയില്ലാതെ 89 പ്ലൈവുഡ് ഫാക്ടറികളും പ്രവര്ത്തിക്കുന്നുണ്ട്. ഹൈക്കോടതി ഉത്തരവിന്റെ പശ്ചാത്തലത്തില് ഇവയൊക്കെ അടച്ചു പൂട്ടേണ്ടി വരും.
ഡിവിഷന് ബെഞ്ചിന്റെ ഉത്തരവ്. വെങ്ങോല പഞ്ചായത്തില് സമഗ്ര പരിസ്ഥിതി പരിപാലന പദ്ധതി മൂന്നുമാസത്തിനുള്ളില് നടപ്പാക്കുമെന്ന് സര്ക്കാരിനു വേണ്ടി ഹാജരായ അഡീഷണല് അഡ്വക്കേറ്റ് ജനറല് ഹൈക്കോടതിയില് ബോധിപ്പിച്ചു.
മൂന്നു മാസത്തിനുശേഷം ഇതു സംബന്ധിച്ച റിപ്പോര്ട്ട് ഹൈക്കോടതിയില് നല്കുകയും വേണം. പരിസ്ഥിതി പ്രശ്നം പരിഹരിക്കാനുള്ള പദ്ധതി അന്തിമമാക്കാന് പലതവണ യോഗം വിളിച്ചു ചേര്ത്തെങ്കിലും നടപടിയുണ്ടായില്ലെന്ന് ഡിവിഷന് ബെഞ്ച് കുറ്റപ്പെടുത്തിയിട്ടുണ്ട്. ചെന്നൈ ആസ്ഥാനമായുള്ള എ.ബി.സി ടെക്നോ ലാബ്സ് ഇന്ത്യ എന്ന കമ്പനിക്കായിരുന്നു ഇതിന്റെ കണ്സള്ട്ടന്സി നല്കിയിരുന്നത്.
വെങ്ങോല പഞ്ചായത്തില് മലിനീകരണ നിയന്ത്രണ ബോര്ഡ് ആവശ്യപ്പെട്ട വ്യവസ്ഥകള് പാലിച്ച 188 ഫാക്ടറികള്ക്ക് അനുമതി നല്കിയതായി വ്യവസായ വകുപ്പ് നേരത്തെ ഹൈക്കോടതിയില് ബോധിപ്പിച്ചിരുന്നു. പാരിസ്ഥിതിക പ്രശ്നം ചൂണ്ടിക്കാട്ടി പ്ലൈവുഡ് ഫാക്ടറികള് അടച്ചു പൂട്ടിയാല് ഈ മേഖലയില് ജോലി നോക്കുന്ന അന്യ സംസ്ഥാന തൊഴിലാളികളുള്പ്പെടെ ഒരു ലക്ഷത്തോളം പേര്ക്ക് ജോലി നഷ്ടമാകുമെന്നും വ്യവസായ വകുപ്പ് അഡീഷണല് സെക്രട്ടറി കെ.എസ്. രാജഗോപാല് വിശദമാക്കിയിരുന്നു
