കൊച്ചി: നഴ്‌സിംഗ് റിക്രൂട്ട്‌മെന്റ് കേസിലെ മുഖ്യപ്രതി മാത്യു ഇന്റര്‍നാഷണല്‍ ഉടമ കെ.ജെ. മാത്യുവിനെ സിബിഐ അറസ്റ്റ് ചെയ്യ്തു. തട്ടിപ്പ് കേസില്‍ കേരളത്തില്‍ നിന്നുള്ള പ്രധാന പ്രതിയാണ് മാത്യു. കൊച്ചിയിലുള്ള മാത്യു ഇന്റര്‍നാഷണല്‍, ജെ.കെ. ഇന്റര്‍നാഷണല്‍, ചങ്ങനാശ്ശേരിയിലുള്ള പാന്‍ ഏഷ്യ എന്നീ സ്ഥാപനങ്ങള്‍ക്കെതിരെയാണ് കേസ്. ചട്ടങ്ങള്‍ ലംഘിച്ച് കേരളത്തില്‍ നിന്ന് നഴ്‌സുമാരെ റിക്രൂട്ട് ചെയ്തതിനും ഇതിന് വന്‍ തുക ഫീസ് വാങ്ങിയതിനുമാണ് സ്ഥാപനങ്ങള്‍ക്കെതിരെ കേസ് രജിസ്റ്റര്‍ ചെയ്തിരിക്കുന്നത്. കൊച്ചിയിലെ മാത്യു ഇന്റര്‍നാഷണല്‍ അനധികൃത റിക്രൂട്ട്‌മെന്റിലൂടെ പത്ത് കോടിയോളം രൂപയുണ്ടാക്കിയെന്നാണ് കണ്ടെത്തല്‍. കേസില്‍ രണ്ടാം പ്രതിയാണ് മാത്യു. മുംബൈയില്‍നിന്നാണ് മാത്യൂവിനെ അറസ്റ്റ് ചെയ്തത്. കൊച്ചിയിലെ സിബിഐ കോടതിയില്‍ ഹാജരാക്കിയ പ്രതിയെ 14 ദിവസത്തേയ്‌ക്ക് ചെയ്തു.
Friday, December 27, 2024
നഴ്‌സിംഗ് റിക്രൂട്ട്‌മെന്റ് കേസിലെ മുഖ്യപ്രതി അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: