കൊല്ലം: യൂറോപ്യന്‍ റേസിങ്ങ് ഇതിഹാസമായ ഓറഞ്ച് ഡേ ദിനാഘോഷങ്ങള്‍ കൊല്ലത്തെ മോട്ടോര്‍ സൈക്കിള്‍ ഉടമകള്‍ക്കും മോട്ടോര്‍ സൈക്കിള്‍ കമ്പക്കാര്‍ക്കും ത്രസിപ്പിക്കുന്ന അനുഭവമായി. കെടിഎമാണ് പരിപാടി സംഘടിപ്പിച്ചത്.
കെടിഎം ബൈക്കിന്റെ കരുത്തും സൗന്ദര്യവും സാഹസികതയും ജനങ്ങളിലെത്തിക്കുകയാണ് ഓറഞ്ച് ഡേയുടെ ഉദ്ദേശ്യം. ഡ്യൂക്കിന്റേയും ആര്‍സിയുടേയും കരുത്തുറ്റ പ്രകടനത്തെപ്പറ്റി റേസ് ട്രാക്കില്‍ ആശയവിനിമയം നടത്താനും കെടിഎം ഉടമകള്‍ക്ക് കഴിഞ്ഞു. 250 ഓളം വിവിധ ലോക ചാമ്പ്യന്‍ഷിപ്പ് കിരീടങ്ങളും തുടര്‍ച്ചയായി 14 ഡാകാര്‍ റാലി ചാമ്പ്യന്‍ഷിപ്പുകളും നേടിയ കെടിഎം ബ്രാന്‍ഡിന്റെ അവിഭാജ്യ ഘടകമാണ് റേസിങ്ങ്. ബൈക്കിന്റെ രൂപകല്‍പനയില്‍ തന്നെ അവരുടെ റേസിങ്ങ് തത്വശാസ്ത്രത്തിന്റെ പൊരുള്‍ പ്രകടവുമാണ്. ഭാരരഹിതവും അതേസമയം കരുത്തുറ്റ അലോയ് കോമ്പോണന്റ്‌സുമാണ് കെടിഎം ബൈക്കിന്റെ മുഖമുദ്ര.
കൊല്ലം ആശ്രാമം മൈതാനത്തായിരുന്നു ഓറഞ്ച് ദിനാഘോഷങ്ങള്‍ അരങ്ങേറിയത്. സ്വന്തം കെടിഎമ്മിന്റെ സാധ്യതകള്‍ എങ്ങിനെ പ്രയോജനപ്പെടുത്താം എന്നതിനെപ്പറ്റി വിദഗ്‌ദ്ധര്‍ ക്ലാസ് എടുത്തു. തുടര്‍ന്ന് ട്രാക്കില്‍ ഡെമോണ്‍സ്‌ട്രേഷനും നടന്നു. തിരുവനന്തപുരം, കൊച്ചി, ചെന്നൈ, ബാംഗ്ലൂര്‍, മുംബൈ, ഹൈദരാബാദ്, നോയിഡ, അഹമ്മദാബാദ്, വഡോദര, ഡല്‍ഹി, പൂനെ, കൊല്‍ക്കത്ത എന്നിവിടങ്ങളില്‍ കെടിഎം ഓറഞ്ച് ഡേ സംഘടിപ്പിച്ചിട്ടുണ്ട്. ഇന്ത്യയിലെ മറ്റ് നഗരങ്ങളിലും ഓറഞ്ച് ഡേ സംഘടിപ്പിക്കും.
പ്രതികരിക്കാൻ ഇവിടെ എഴുതുക