കോഴിക്കോട്: നാല് വര് ഷം മുമ്പ് ആരംഭിച്ച ഭൂഗര്ഭ അഴുക്കുചാല് പദ്ധതി അനി ശ്ചിതമായി വൈകുന്നതില് ഇന്നലെ ചേര്ന്ന അവലോകനയോഗത്തില് എതിര്പ്പ്. ഇന്നലെ ഉച്ചയോടെ കലക്ടറുടെ ചേംബറില് നടന്ന യോഗത്തില് പദ്ധതി മാര്ച്ച് 15നകം പൂര്ത്തിയാക്കണമെന്ന് ജില്ലാ കലക്ടര് നിര്ദ്ദേശം നല്കി. നഗരറോഡ് വികസന പദ്ധതിയില് ഉള്പ്പെട്ട പുഷ്പ ജംഗ്ഷന്-മാങ്കാവ് ജംഗ്ഷന് ഭാഗത്ത് കെ.എസ്.യു.ഡി.പി നടത്തുന്ന അഴുക്കുചാല് നിര്മാണ പ്രവൃത്തികള് വൈകുന്നത് മൂലം നഗരപാത വികസനം മുടങ്ങിയിരിക്കുകയാണ്. പണിപൂര്ത്തിയാക്കാനാവശ്യമായ തൊഴിലാളികളെ വിന്യസിച്ച് പ്രവൃത്തി വേഗത്തിലാക്കണമെന്നും വീഴ്ചവരുത്തിയാല് കര്ശന നടപടി നേരിടേണ്ടി വരുമെന്നും ജില്ലാ കലക്ടര് മുന്നറിയിപ്പു നല്കി. കുനിയില് കടവ്-മിനി ബൈപ്പാസ്, കാരപ്പറമ്പ്-കല്ലുത്താന്കടവ് റോഡുകളുമായി ബന്ധപ്പെട്ട പ്രവൃത്തികളും വേഗത്തിലാക്കാന് ഇതുമായി ബന്ധപ്പെട്ട് കലക്ടറുടെ ചേംബറില് വിളിച്ചുചേര്ത്ത യോഗത്തില് കലക്ടര് പറഞ്ഞു. നഗരത്തെ രണ്ടായിതിരിച്ച് രണ്ട് ഘട്ടങ്ങളായാണ് പദ്ധതി പൂര്ത്തിയാക്കുന്നത്. ഈസ്റ്റ്ഹില്, എരഞ്ഞിപ്പാലം, നടക്കാവ്,അത്താണിക്കല്, എരഞ്ഞിക്കല് എന്നിവ ഉള്പ്പെടുന്നതാണ് ആദ്യഘട്ടം. ഇതിന്റെ ഭാഗമായി 31 കിലോമീറ്റര് അഴുക്കുചാലാണ് നിര്മ്മിക്കേണ്ടത്. ഇതില് നാലിടത്തായി പമ്പിംഗ്സ്റ്റേഷനുകളും നിര്മ്മിക്കേണ്ടതുണ്ട്. മാങ്കാവ്, കല്ലായി, ചാലപ്പുറം മിഠായിത്തെരുവ് പുതിയറ, പാളയം എന്നിവ ഉള്പ്പെടുന്നതാണ് രണ്ടാംഘട്ടം. 30 കി.മീറ്റര് അഴുക്കുചാല് നിര്മ്മിക്കേണ്ട രണ്ടാംഘട്ടത്തില് 6 കി.മീറ്ററാണ് ഇതിനകം പൂര്ത്തിയാക്കിയത്. മൂന്ന് പമ്പിംഗ് സ്റ്റേഷനുകളാണ് ഇവിടെ പൂര്ത്തിയാക്കേണ്ടത്. കോഴിക്കോട് കോര്പ്പറേഷനും വാട്ടര് അതോറിറ്റിയും ചേര്ന്ന് നടപ്പാക്കുന്ന ഈ പദ്ധതി ഒരു മാസത്തിനകം പൂര്ത്തിയാക്കണമെന്നാണ് കെഎസ്യുഡിപി അനുവദിച്ച സമയം.
കേരള റോഡ് ഫണ്ട് ബോര്ഡ് പ്രൊജക്ട് മാനേജര് പി.എ.എം ഇഖ്ബാല്, കേരള വാട്ടര് അതോറിറ്റി എക്സിക്യൂട്ടീവ് എഞ്ചിനീയര് കെ അശോക് കുമാര്, കെ.എസ്.യു.ഡി.പി പ്രൊജക്ട് മാനേജര് കെ മോഹന്, യു.എല്.സി.സി.എസ് പി.ആര് മാനേജര് അഭിലാഷ് ശങ്കര് തുടങ്ങിയവര് പങ്കെടുത്തു.
