കോട്ടയം: ഓട്ടോറിക്ഷകളും ടയറും ബാറ്ററിയും ഡീസലും മോഷ്ടിക്കുന്ന രണ്ടംഗസംഘത്തെ ഷാഡോ പോലീസ് പിടികൂടി. ഉസ്താദ് ഷാജി എന്നു വിളിക്കുന്ന കുമ്മനം അറുപറ വേങ്ങശേരില് ഷാജി (42), കൈപ്പുഴ ശാസ്താങ്കല് താമസിക്കുന്ന തിരുവാര്പ്പ് ചിറത്തറ പുട്ടാലു എന്നു വിളിക്കുന്ന ശ്യാം (27) എന്നിവരാണ് അറസ്റ്റിലായണ്.
ടൗണിലും തിരുവാര്പ്പ് മേഖലയില് നിന്നുമായി ഓട്ടോറിക്ഷകളിലെ ബാറ്ററികളും ടയറും ഡീസലും പെട്രോളും മോഷ്ടിക്കുന്നതു പതിവാക്കിയവരാണ് ഇരുവരുമെന്നു പോലീസ് പറഞ്ഞു. നിരവധി മോഷണ മുതലുകളും രണ്ട് ഓട്ടോറിക്ഷകളും പോലീസ് പിടിച്ചെടുത്തു.രാത്രികാലങ്ങളില് പാര്ക്ക് ചെയ്തിരുന്ന ഓട്ടോറിക്ഷകളിലാണ് ഇവര് മോഷണം നടത്തിയിരുന്നത്. ഓട്ടോറിക്ഷകളില് നിന്ന് ആര് സി ബുക്കുകളും സംഘം മോഷ്ടിച്ചിരുന്നു. ടൗണിലെ ഓട്ടോ ഡ്രൈവറായ ഷാജിയ്ക്കു റെക്സിന്റെ വ്യാപാരവമുണ്ട്. കുര്യന് ഉതുപ്പ് റോഡില്െല കരിക്കു വില്പ്പനക്കാരനായ ശ്യാമിനെതിരേ കടുത്തുരുത്തി, കുറവിലങ്ങാട്, ഏറ്റുമാനൂര് സ്റ്റേഷനില് മാലമോഷണത്തിനും കോട്ടയം വെസ്റ്റില് വീടു കയറി ആക്രമണത്തിനും കേസുണ്ടെന്നു പോലീസ് പറഞ്ഞു.പകല് ജോലിയ്ക്കിറങ്ങുന്ന രണ്ടു പേരും ചേര്ന്ന് രാത്രിയിലാണു മോഷണം നടത്തിയരുന്നത്. ഇതുകൂടാതെ ഷാജിയുടെ ഓട്ടോറിക്ഷയില് എല് സി ഡി മോണിറ്റര് പ്രവര്ത്തിപ്പിച്ചു ഇതരസംസ്ഥാന തൊഴിലാളികളെ അശ്ലീല ചിത്രങ്ങള് കാണിച്ചും പണം തട്ടിയിരുന്നു. ഇതര സംസ്ഥാന തൊഴിലാളികള് തമ്പടിക്കുന്ന സ്ഥലങ്ങളിലെത്തുന്ന ഷാജി ഓട്ടോറിക്ഷ നിര്ത്തിയ ശേഷം മോണിറ്റര് പ്രവര്ത്തിക്കും. തുടര്ന്നു ആറു പേര്ക്കായി പത്തുമിനിറ്റു നീളുന്ന അശ്ലീല ചിത്രങ്ങള് പ്രദര്ശിപ്പിക്കും.
ഓരോരുത്തരില് നിന്നും 50 രൂപ വീതം വാങ്ങിയായിരുന്നു ചിത്രപ്രദര്ശനം.കൂരോപ്പട സ്വദേശിയായ ഓട്ടോറിക്ഷാ ഡ്രൈവറുടെ പരാതിയുടെ അടിസ്ഥാനത്തില് നടത്തിയ പരിശോധനയിലാണു സംഘം കുടുങ്ങിയത്.
