സുധീരന്റെ ‘ജനരക്ഷായാത്ര’ അക്ഷരാര്ത്ഥത്തില് അറം പറ്റിയെന്നാ തോന്നുന്നേ. കോണ്ഗ്രസ് ഭരിക്കുന്ന കേരളം. സത്യത്തില് ആരില് നിന്ന് ജനങ്ങളെ രക്ഷിക്കാനാണ് ഇയാള് യാത്ര നടത്തുന്നത് എന്ന് അന്നേ സംശയം ഉണ്ടായിരുന്നു. കാസര്കോഡ് നിന്ന് സുധീരന് തുടങ്ങിയപ്പോള് തന്നേ തുരുമ്പിച്ചു കിടന്ന ബാര് കോഴ, സോളാര് ഇവയൊക്കെ തല പൊക്കി തുടങ്ങി. ചെന്നിത്തലക്കും ശിവകുമാറിനും പണി കിട്ടി. പിന്നെ ബാബു രാജിവെച്ചു. കുഞ്ഞുമോന് എംഎല്എ രാജി വെച്ചു. ഇനി അടുത്തത് ആര്യാടന്, പിന്നെ ഉമ്മന്ചാണ്ടി. അങ്ങനെ അങ്ങനെ എല്ലാ കോണ്ഗ്രസുകാരും രാജിവച്ച് ഈ മന്ത്രിസഭ താഴെ വീഴും. ഇത് ഒരു കോണ്ഗ്രസ് മുക്ത കേരളം ആകും. അങ്ങനെ ജനങ്ങള് രക്ഷപെടുന്നു. ഇതായിരിന്നു നമ്മുടെ സുധീരന്ജി കണ്ട ജനരക്ഷ യാത്രാ സ്വപ്നം.
ഹര്ഷല് മാധവ്
ജനങ്ങളെ സേവിക്കാനെന്നു പറഞ്ഞ് കൈകൂപ്പി താണുവണങ്ങി വോട്ടുമേടിച്ച് ജയിച്ച് അധികാരക്കസേരയില് കയറിയശേഷം മൂന്നു നേരത്തെ ആഹാരത്തിനു വകയില്ലാത്ത പട്ടിണിപ്പാവങ്ങളുടെ പോലും നികുതിക്കാശുകൊണ്ട് സുഖലോലുപമായ ഊണും ഉടുപ്പും നടപ്പും കിടപ്പും എന്നു വേണ്ട കാണിക്കുന്ന എല്ലാ വൃത്തികേടുകളും കാണിച്ചു കൂട്ടുന്നു. നിരവധി അഴിമതികളില് മുങ്ങിക്കുളിച്ച്, ഒരു മന്ത്രി പോലും അഴിമതിയുടെ അമ്പേല്ക്കാത്തവരായിട്ടില്ലാത്ത ഉമ്മന്ചാണ്ടി മന്ത്രിസഭയും കൂട്ടരും മനസാക്ഷി പണയം വെച്ചവരുടെ വോട്ട് തെണ്ടി ഇറങ്ങും. പ്രബുദ്ധ കേരളമേ ആത്മാഭിമാനം പണയം വെക്കരുത്. തൂത്തെറിയണം ഈ നാറിയ ഭരണത്തെ.
ദിനീഷ് മട്ടന്നൂര്
ഈ മനസാക്ഷി തന്നെയാണ് ഉമ്മച്ചാ പണ്ട് കരുണാകരന് സാറിനും ഉണ്ടായിരുന്നത്. അന്ന് ഉമ്മന് ചാണ്ടിയെന്നു പറയുന്ന നിങ്ങള് പറഞ്ഞത് ഒരു സംശയം പോലും പാര്ട്ടിക്ക് കുഴപ്പമുണ്ടാക്കുമെന്നാണ്. പക്ഷേ, കരുണാകരന് നിങ്ങളെപ്പോലെ അല്ലാത്തതുകൊണ്ട് രാജിവച്ച് അന്വേഷണത്തെ നേരിട്ടു.
അനീഷ് കൂലിയാട്ട്
