കൊച്ചി: ഗൗഡസാരസ്വത ബ്രാഹ്മണ സമൂഹത്തിന്റെ ആത്മീയഗുരുവും കാശി മഠാധിപതിയുമായ അന്തരിച്ച സ്വാമി സുധീന്ദ്രതീര്ഥ ഭാരതീയ പാരമ്പര്യങ്ങള് ഉയര്ത്തി പിടിച്ച ആചാര്യനായിരുന്നു എന്ന് ആഭ്യന്തര മന്ത്രി രമേശ് ചെന്നിത്തല. മാനവികതയുടെ സ്വരൂപമായിരുന്നു അദ്ദേഹം. ജനസമൂഹത്തിന് വെളിച്ചം പകര്ന്ന മഹാനുഭാവനായിരുന്നു അദ്ദേഹമെന്ന് ചെന്നിത്തല അനുസ്മരിച്ചു. എറണാകുളം തിരുമല ക്ഷേത്രത്തില് സ്വാമിയുടെ ചിത്രത്തിന് മുന്നില് പുഷ്പാര്ച്ചന നടത്തി സംസാരിക്കുകയായിരുന്നു അദ്ദേഹം.
ക്ഷേത്രത്തിലെത്തിയ മന്ത്രിയെ പി.രങ്കദാസ പ്രഭു, അഡ്വ. ആര്. രാമനാരായണ പ്രഭു, ആര്, രത്നാകര ഷേണായി, വി. ഉപേന്ദ്രനാഥ പ്രഭു, സതീശ് നായിക്, ഭാസ്കര ഷേണായി, സി ജി രാജഗോപാല് എന്നിവര് ചേര്ന്ന് സ്വീകരിച്ചു.
ടി ഡി റോഡിലുള്ള രാജസ്ഥാന് രാംദേവ് ട്രസ്റ്റിന്റെ ശ്രീറാം ദേവിജി ക്ഷേത്രത്തിലും ചെന്നിത്തല ദര്ശനം നടത്തി. പണ്ഡിറ്റ് ദിലീപ് ശര്മ അദ്ദേഹത്തിന് പ്രസാദം നല്കി. ഭാരവാഹികളായ ഗുമാന്ജി, മഹേന്ദ്ര സിംഗ്, എസ് ആര് പാട്ടീല്, സുരേഷ് പുരോഹിത്, ലക്ഷ്മണ് പട്ടേല് എന്നിവര് ചേര്ന്ന് അദ്ദേഹത്തെ സ്വീകരിച്ചു. ഹൈബി ഈഡന് എം എല് എ യും മന്ത്രിക്കൊപ്പം ഉണ്ടായിരുന്നു.
