കോഴിക്കോട്: ഒരു സാധകന് എപ്പോഴും ജാഗ്രതയോടെയിരിക്കണമെന്ന് കൊളത്തൂര് അദ്വൈതാശ്രമം മഠാധിപതി സ്വാമി ചിദാനന്ദപുരി അഭിപ്രായപ്പെട്ടു. മുതലക്കുളം മൈതാനിയില് നടക്കുന്ന ധര്മ്മപ്രഭാഷണ പരമ്പരയുടെ മൂന്നാം ദിവസം സ്ഥിതപ്രജ്ഞലക്ഷണം എന്ന വിഷയത്തില് സംസാരിക്കുകയായിരുന്നു സ്വാമി.
ഒരു സാധകന് എപ്പോഴും ജാഗ്രതയുണ്ടായിരിക്കണം, ഉണര്ന്നിരിക്കണം. പ്രതികൂലമായ സാഹചര്യങ്ങളെ തിരിച്ചറിയാന് സാധകന് യഥാസമയം സാധിക്കണം. സമയം വൈകി തിരിച്ചറിഞ്ഞിട്ട് കാര്യമില്ല. പ്രതികൂല സാഹചര്യങ്ങളില് ആമ തന്റെ അംഗങ്ങള് പിന്വലിക്കുന്നതുപോലെ പ്രതികൂല സാഹചര്യങ്ങില് നിന്ന് പിന്വലിയാന് സാധിക്കണം. അനുകൂലവും പ്രതികുലവുമായ സാഹചര്യങ്ങള് തിരിച്ചറിയാന് സാധകന് സാധിക്കണം. അതിന് ജാഗ്രതയോടെയിരിക്കണം.
ശബ്ദം, സ്പര്ശം, രൂപം, രസം, ഗന്ധം എന്നിവയാണ് ഇന്ദ്രിയങ്ങളെ സ്വാധീനിക്കുന്ന വിഷയങ്ങള്. ഇന്ദ്രിയങ്ങള് വിഷയത്തിലേക്ക് നീങ്ങിയാല് മനസ്സും അതിലേക്ക് ശ്രദ്ധിക്കാന് തുടങ്ങും. അതുകൊണ്ട് ഇന്ദ്രിയങ്ങളെ നിയന്ത്രിക്കാന് പരിശ്രമിക്കണം. ഇന്ദ്രിയങ്ങളെ നിയന്ത്രിക്കാനുള്ള കഴിവ് ആര്ജ്ജിച്ചെടുക്കണമെന്നും സ്വാമി കൂട്ടിച്ചേര്ത്തു.
