എറണാകുളത്തപ്പന്‍ ക്ഷേത്രോത്സവത്തിന് ഇന്ന് കൊടിയേറും

കൊച്ചി: പുരാണ പ്രസിദ്ധമായ എറണാകുളം ശിവക്ഷേത്രത്തിലെ ഉത്സവത്തിന് ഇന്ന് കൊടിയേറും. 22 ന് ആറാട്ടോടുകൂടി സമാപിക്കും. ഇന്ന് രാവിലെ 8 മുതല്‍ ശീവേലി, വൈകിട്ട് 6 ന് കൊടിക്കയര്‍ സ്വീകരണം രാത്രി 7 ന് കൊടിയേറ്റം. ക്ഷേത്രത്തിന് പുറത്ത് വടക്കുവശത്ത് വൈകിട്ട് 6.30 ന് മുതല്‍ 9 വരെ സംഗീതകച്ചേരി, ക്ഷേത്രമതില്‍ക്കകത്ത് വൈകിട്ട് 6 മുതല്‍ ഭജന. 10 മുതല്‍ കൊടിപ്പുറത്ത് വിളക്ക്, ദര്‍ബാര്‍ ഹാള്‍ ഗ്രൗണ്ടില്‍ രാത്രി 7 മുതല്‍ നൃത്തനൃത്യങ്ങള്‍.

രണ്ടാംദിവസം രാവിലെയും വൈകിട്ടും കാഴ്ചശീവേലി. ക്ഷേത്രമതില്‍ക്കകത്ത് വടക്കുവശത്ത് വൈകിട്ട് 6 മുതല്‍ 7 വരെ ഭജന. 8 മുതല്‍ തായമ്പക ക്ഷേത്രത്തിന് പുറത്ത് വടക്കുവശത്ത് വൈകിട്ട് 5.30 മുതല്‍ 7 വരെ സംഗീതകച്ചേരി, ദര്‍ബാര്‍ ഹാള്‍ ഗ്രൗണ്ടില്‍ നൃത്തസന്ധ്യ.

മൂന്നാംദിവസം രാവിലെയും വൈകിട്ടും കാഴ്ചശീവേലി, ക്ഷേത്രമതില്‍ക്കകത്ത് വടക്കുവശത്ത് വൈകിട്ട് 8 മുതല്‍ തായമ്പക ക്ഷേത്രത്തിനു പുറത്ത് വടക്കുവശത്ത് വൈകിട്ട് 5.30 ന് ഭക്തിഗാനമേള, രാത്രി 7 മുതല്‍ 10 വരെ സംഗീതകച്ചേരി, ദര്‍ബാര്‍ ഹാള്‍ ഗ്രൗണ്ടില്‍ വൈകിട്ട് 6.30 മുതല്‍ യക്ഷഗാനം. എറണാകുളത്തപ്പന്‍ ഹാളില്‍ രാത്രി 10 ന് കൂടിയാട്ടം.

നാലാംദിവസം രാവിലെയും വൈകിട്ടും കാഴ്ചശീവേലി. ക്ഷേത്രമതില്‍ക്കകത്ത് വടക്കുവശം വൈകിട്ട് 8 മുതല്‍ ഡബിള്‍ തായമ്പക, ക്ഷേത്രത്തിന് പുറത്ത് വടക്കുവശത്ത് വൈകിട്ട് 5.30 മുതല്‍ 7 വരെ വീണക്കച്ചേരി, രാത്രി 7 മുതല്‍ 9.30 വരെ പുല്ലാങ്കുഴല്‍ കച്ചേരി.

എറണാകുളത്തപ്പന്‍ ഹാളില്‍ രാത്രി 10 മുതല്‍ മേജര്‍ സെറ്റ് കഥകളി ദര്‍ബാര്‍ ഹാള്‍ ഗ്രൗണ്ടില്‍ വൈകിട്ട് 7 മുതല്‍ നൃത്തനൃത്യങ്ങള്‍.

അഞ്ചാം ദിവസം ചൊവ്വാഴ്ച രാവിലെയും വൈകിട്ടും കാഴ്ചശീവേലി. ക്ഷേത്രമതില്‍ക്കകത്ത് വടക്കുവശം രാവിലെ 10.30 ന് ശീതങ്കന്‍ തുള്ളല്‍, വൈകിട്ട് 8 മുതല്‍ 10 വരെ തായമ്പക, ക്ഷേത്രത്തിന് പുറത്ത് വടക്കുവശം വൈകിട്ട് 5.30 മുതല്‍ 7 വരെ സംഗീതാര്‍ച്ചന 7 മുതല്‍ 9.30 വരെ സംഗീതകച്ചേരി ദര്‍ബാര്‍ ഹാള്‍ ഗ്രൗണ്ടില്‍ വൈകിട്ട് 7 മുതല്‍ നൃത്തസന്ധ്യ, എറണാകുളത്തപ്പന്‍ ഹാളില്‍ രാത്രി 10 മുതല്‍ മേജര്‍സെറ്റ് കഥകളി.

ആറാം ദിവസം ബുധന്‍ ചെറിയ വിളക്ക്. രാവിലെ 7.30 ന് ശീവേലി. ക്ഷേത്രമതില്‍ക്കകത്ത് വടക്കുവശത്ത് രാവിലെ 6 മുതല്‍ സമ്പൂര്‍ണ നാരായണീയ പാരായണം. രാവിലെ 10 മുതല്‍ ഉത്സവബലി, വൈകിട്ട് 5 ന് ഓട്ടന്‍തുള്ളല്‍ രാത്രി 8 മുതല്‍ 10 വരെ തായമ്പക. ക്ഷേത്രത്തിന് പുറത്ത് വടക്കുവശം വൈകിട്ട് 5.30 ന് നൃത്തനൃത്യങ്ങള്‍. 7 മുതല്‍ സംഗീത കച്ചേരി, ഡിഎച്ച് ഗ്രൗണ്ടില്‍ വൈകിട്ട് 6.30 ന് നൃത്തനൃത്യങ്ങള്‍. 7.30 മുതല്‍ കര്‍ണാടക അനുഷ്ഠാന ശിവ നൃത്തകല ബിസുകംസാലേ. ക്ഷേത്രമതില്‍ക്കകത്ത് രാത്രി 11 ന് ചെറിയ വിളക്ക്.

ഏഴാം ദിവസം വലിയ വിളക്ക് രാവിലെ 8 ന് ശീവേലി. ക്ഷേത്രമതില്‍ക്കകത്ത് വടക്കുവശത്ത് 10.30 മുതല്‍ പറയന്‍തുള്ളല്‍, 10.30 മുതല്‍ പ്രസാദ ഊട്ട്, രാത്രി 7 മുതല്‍ സംഗീതകച്ചേരി, രാത്രി 11 ന് നാലമ്പലത്തിനുള്ളില്‍ ഉത്സവക്കൂത്ത്, ക്ഷേത്രത്തിന് പുറത്ത് വടക്കുവശത്ത് വൈകിട്ട് 7 മുതല്‍ നൃത്തനൃത്യങ്ങള്‍. ഡിഎച്ച് ഗ്രൗണ്ടില്‍ വൈകിട്ട് 4 മുതല്‍ പകല്‍പ്പൂരം തുടര്‍ന്ന് വര്‍ണാഭമായ കുടമാറ്റം, രാത്രി 8.30 ന് കരിമരുന്ന് പ്രയോഗം, 9 ന് മെഗാഗാനമേള, രാത്രി 11 ന് വലിയവിളക്ക്.

എട്ടാം ദിവസം വെള്ളിയാഴ്ച ആറാട്ട്.