പാലാ: അഖിലേന്ത്യാ തലത്തില് കോണ്ഗ്രസ് തകര്ന്നതുപോലെ അടുത്ത നിയമസഭാ തിരഞ്ഞെടുപ്പില് കേരളത്തിലെ കോണ്ഗ്രസ് അംഗങ്ങള് ഒറ്റ അക്കത്തിലേക്ക് താഴുമെന്ന് ബിജെപി ദേശീയ നിര്വ്വാഹക സമിതിയംഗം ശോഭാ സുരേന്ദ്രന്. പാലാ നിയോജകമണ്ഡലം കമ്മറ്റി ഭാരവാഹികളുടെ യോഗം ഉദ്ഘാടനം ചെയ്യുകയായിരുന്നു ശോഭാ സുരേന്ദ്രന്.
ബാര് കോഴയില് ഇരട്ട നീതിയാണ് സര്ക്കാര് നടപ്പിലാക്കിയതെന്ന് കോടതി പരാമര്ശത്തിലൂടെ ജനങ്ങള്ക്ക് ബോദ്ധ്യമായി. മന്ത്രി ബാബുവിനെ സംരക്ഷിച്ചു നിര്ത്തിയത് ഉമ്മന്ചാണ്ടിയും രമേശ് ചെന്നിത്തലയും ചേര്ന്നാണ്.
മേക്ക് ഇന് ഇന്ത്യയുടെ ഭാഗമായി റബ്ബറധിഷ്ഠിത വ്യവസായങ്ങള് കൊണ്ടുവരണമെന്ന് പ്രധാനമന്ത്രി ആവശ്യപ്പെട്ട സാഹചര്യത്തില് സംസ്ഥാന സര്ക്കാരിന് ആത്മാര്ത്ഥയുണ്ടെങ്കില് റബ്ബറധിഷ്ഠിത വ്യവസായത്തിന് പദ്ധതി കൊണ്ടുവരണം. റബ്ബറിന് 20% ഇറക്കുമതി തീരുവയില് നിന്ന് 25% ആക്കി ഉയര്ത്തിയത് നരേന്ദ്രമോദി സര്ക്കാരാണെന്നും അവര് വ്യക്തമാക്കി.
പാലാ നിയോജകമണ്ഡലം പ്രസിഡന്റ് മോഹന് പനയ്ക്കല് അദ്ധ്യക്ഷത വഹിച്ചു. ബിജെപി സംസ്ഥാന ഉപാദ്ധ്യക്ഷന് പി.എം. വേലായുധന്, സംഘടനാ സെക്രട്ടറി ശിവന്കുട്ടി, സംസ്ഥാന സമിതിയംഗം ഡോ. ബി. വിജയകുമാര്, കര്ഷകമോര്ച്ച സംസ്ഥാന പ്രസിഡന്റ് പി.ആര്. മുരളീധരന്, ജില്ലാ ഭാരവാഹികളായ കെ.എം. സന്തോഷ് കുമാര്, എന്.കെ. ശശികുമാര്, നിയോജകമണ്ഡലം ഭാരവാഹികളായ ജി. രണ്ജിത്, ഗിരീഷ്കുമാര്, മുരളി മേച്ചേരില് എന്നിവര് പ്രസംഗിച്ചു.
