ന്യൂദല്ഹി: ഇനി പാര്ലമെന്റ് സ്തംഭിപ്പിക്കില്ലെന്ന് കോണ്ഗ്രസ് പുതുവത്സരപ്രതിജ്ഞയെടുക്കണമെന്ന് പ്രധാനമന്ത്രി നരേന്ദ്ര മോദി. രാജ്യത്തിന്റെ വികസനത്തിനുവേണ്ടി പാര്ലമെന്റ് പ്രവര്ത്തിക്കാന് അനുവദിക്കണം. ആറു പതിറ്റാണ്ടിലേറെ അധികാരം ആസ്വദിച്ച കോണ്ഗ്രസിന് രാഷ്ട്രീയപരമായ കാരണങ്ങളാല് പാലര്മെന്റ് സ്തംഭിപ്പിക്കാനും വികസനം തടസപ്പെടുത്താനും ഒരധികാരവുമില്ല.
പാര്ലമെന്റ് പ്രവര്ത്തിക്കാന് അനുവദിക്കുമെന്നും രാജ്യവികസനത്തിന് തടസം നില്ക്കില്ലെന്നുമുള്ള പ്രതിജ്ഞയാണ് പുതുവത്സരം ആഘോഷിക്കുന്ന ജനുവരി ഒന്നാം തീയതി കോണ്ഗ്രസ് എടുക്കേണ്ടത്, ദല്ഹി മീററ്റ് പതിനാലുവരി എക്സ്പ്രസ് ഹൈവേയുടെ തറക്കല്ലിട്ട് സംസാരിക്കുകയായിരുന്നു പ്രധാനമന്ത്രി.
നിയമങ്ങള് നിര്മ്മിക്കേണ്ട പാര്ലമെന്റ് സ്തംഭിപ്പിക്കുകയെന്നത് ഭാരതത്തിന്റെ ദൗര്ഭാഗ്യമാണ്. ജനം തിരസ്ക്കരിച്ചവരാണ് പാര്ലമെന്റ് തടയുന്നത്. ഒരു രാഷ്ട്രീയപ്പാര്ട്ടിയും ഇങ്ങനെ ചെയ്യരുത്. എന്റെ അഭിപ്രായം പറയാന് പാര്ലമെന്റില് അവസരം ലഭിച്ചില്ല. അതിനാലാണ് ഞാന് ഇക്കാര്യം ജനസഭയില് പറയുന്നത്. ചര്ച്ച ചെയ്യാനും തീരുമാനങ്ങള് എടുക്കാനുമാണ് ജനങ്ങള് ഞങ്ങളെ പാര്ലമെന്റിലേക്ക് അയച്ചത്. ആറു പതിറ്റാണ്ടിലേറെ അധികാരം ആസ്വദിച്ച കോണ്ഗ്രസിന് ഇക്കാര്യത്തില് കൂടുതല് ഉത്തരവാദിത്വമുണ്ട്. മോദി പറഞ്ഞു.
പാര്ലമെന്റിനെ നശിപ്പിക്കാനാണ് കോണ്ഗ്രസിന്റെ ശ്രമം. രാജ്യത്തിനുവേണ്ടി നിയമങ്ങള് നിര്മ്മിക്കുന്ന സഭ പ്രവര്ത്തിക്കാന് അനുവദിക്കുന്നില്ല എന്നത് ഗൗരവകരമാണെന്നും പ്രധാനമന്ത്രി പറഞ്ഞു. 7,500 കോടി രൂപ ചെലവഴിച്ച് നിര്മ്മിക്കുന്ന ദല്ഹി-മീററ്റ് 14വരി എക്സ്പ്രസ് വേ കേന്ദ്രസര്ക്കാരിന്റെ പുതുവത്സര സമ്മാനമാണ്.
രാജ്യതലസ്ഥാനത്തെ റോഡുകളിലെ തിരക്ക് കുറയ്ക്കാന് പുതിയ പാത സഹായകരമാകും. എക്സ്പ്രസ് വേ ഉദ്ഘാടന ചടങ്ങില് ഉത്തര്പ്രദേശ് ഗവര്ണ്ണര് രാം നായിക്, കേന്ദ്രഗതാഗതമന്ത്രി നിതിന് ഗഡ്കരി, സാംസ്ക്കാരിക മന്ത്രി ഡോ. മഹേഷ് ശര്മ്മ, ഡോ. ഹര്ഷവര്ദ്ധന്, വി.കെ. സിങ്, പൊന് രാധാകൃഷ്ണന് എന്നിവര് പങ്കെടുത്തു.
