കൊച്ചി: പാക്കിസ്ഥാനും ബംഗ്ലാദേശും ഉള്ക്കൊള്ളുന്ന അഖണ്ഡഭാരതമെന്ന സങ്കല്പ്പം യാഥാര്ത്ഥ്യമാകണമെന്ന് സിനിമാ നടന് ദേവന്. ആലുവ തന്ത്രവിദ്യാപീഠത്തില് ശൈക്ഷണിക കേന്ദ്രത്തിന്റെയും അതിഥിമന്ദിരത്തിന്റെയും ഉദ്ഘാടച്ചടങ്ങില് ഉത്രാടം തിരുനാള് മാര്ത്താണ്ഡവര്മ്മ അനുസ്മരണ പ്രഭാഷണം നടത്തുകയായിരുന്നു അദ്ദേഹം. യുദ്ധത്തിലൂടെയല്ല, പരസ്പര സ്നേഹത്തിലൂടെയാണ് സ്വാതന്ത്ര്യത്തിന് മുന്പുള്ള അഖണ്ഡഭാരതം യാഥാര്ത്ഥ്യമാകേണ്ടത്. പ്രധാനമന്ത്രി നരേന്ദ്രമോദി പാക്കിസ്ഥാന് സന്ദര്ശിച്ചത് ഇതിന്റെ തുടക്കമാകട്ടെയെന്ന് പ്രത്യാശിക്കുന്നു.
ഇന്ന് ഭാരതത്തിന് ശിരസ്സും ഹൃദയവുമില്ല. അത് പാക്കിസ്ഥാനും ബംഗ്ലാദേശുമായി മുറിഞ്ഞുപോയി. മുന് പ്രസിഡന്റ് ഡോ.കലാം ഉള്പ്പെടെയുള്ളവര് ഭാരതം 2020ല് സൂപ്പര് പവര് ആകണമെന്ന് ആഗ്രഹിച്ചിരുന്നു. ഇത് നടക്കണമെങ്കില് അഖണ്ഡഭാരതം യാഥാര്ത്ഥ്യമാകേണ്ടത് ആവശ്യമാണ്. ഇത് ഒരു സംവാദത്തിനായി പറയുന്നതാണെന്നും ദേവന് പറഞ്ഞു. ഉത്രാടം തിരുനാള് മാര്ത്താണ്ഡവര്മ്മയെ സന്ദര്ശിച്ചപ്പോള് അദ്ദേഹത്തിന്റെ മുഖത്ത് നിന്നും എനിക്ക് ഇത്തരത്തിലുള്ള ഒരു അഭിപ്രായം വായിച്ചെടുക്കാനായി. നമ്മുടെ മഹത്തായ സംസ്കാരത്തിന് മുറിവേല്ക്കുന്ന സംഭവങ്ങളാണ് ഉണ്ടാകുന്നത്. ഇതിന് പരിഹാരം കാണണമെന്നും ആര്എസ്എസ് മഹത്തായ സംഘടനയാണെന്നും ദേവന് കൂട്ടിച്ചേര്ത്തു.
