കോതമംഗലം: എട്ടുവര്ഷത്തിനുശേഷം കോതമംഗലത്ത് അരങ്ങേറുന്ന എറണാകുളം ജില്ലാ സ്കൂള് കലോത്സവത്തിന് നാളെ തിരിതെളിയും. ഇന്ന് രാവിലെ 9മുതല് രജിസ്ട്രേഷന് ആരംഭിക്കും. നാളെ രാവിലെ 8ന് പൊതുവിദ്യാഭ്യാസ ഡയറക്ടര് എം.കെ. ഷൈമോന് കോതമംഗലം മാര്ബേസില് സ്കൂളില് പതാക ഉയര്ത്തും. ഉച്ചയ്ക്കുശേഷം 2.30ന് നടക്കുന്ന ഉദ്ഘാടനഘോഷയാത്രയില് കോതമംഗലത്തെ പത്ത് സ്കൂളുകളില്നിന്നുള്ള ആയിരത്തോളം വിദ്യാര്ത്ഥി-വിദ്യാര്ത്ഥിനികള് അണിനിരക്കും. നിശ്ചലദൃശ്യങ്ങള്, വാദ്യമേളം, നാടന് കലാരൂപങ്ങള് എന്നിവ ഘോഷയാത്രയ്ക്ക് പങ്കിട്ടേക്കും.
ജില്ലാ കളക്ടര് എം.ജി. രാജമാണിക്യം ഘോഷയാത്ര ഫ്ളാഗ് ഓഫ് ചെയ്യും. വൈകിട്ട് 4ന് മാര്ബേസില് സ്കൂളിലെ പ്രധാനവേദിയില് മന്ത്രി അഡ്വ.അനൂപ് ജേക്കബ്ബ് ഉദ്ഘാടനം നിര്വഹിക്കും. ടി.യു. കുരുവിള എംഎല്എ അദ്ധ്യക്ഷത വഹിക്കും. അഡ്വ.ജോയ്സ് ജോര്ജ്ജ് എംപി മുഖ്യപ്രഭാഷണം നടത്തും. കുര്യാക്കോസ് മാര്യൗസേബിയോസ് മെത്രാപ്പോലീത്ത അനുഗ്രഹ പ്രഭാഷണം നടത്തും. എംഎല്എമാരായ സാജുപോള്, ജോസഫ് വാഴയ്ക്കന്, അന്വര് സാദത്ത്, എസ്.ശര്മ്മ, ഹൈബി ഈഡന് എന്നിവര് മുഖ്യാതിഥികളാകും. ജില്ലാ പഞ്ചായത്ത് പ്രസിഡന്റ് ആശസനില് ലോഗോ സമ്മാനദാനവും കോതമംഗലം നഗരസഭ ചെയര്പേഴ്സണ് മഞ്ജുസിജു ഘോഷയാത്ര സമ്മാനവിതരണവും നിര്വഹിക്കും. എറണാകുളം ജില്ലാ സ്കൂള് കലാമേള 16വേദികളിലായി നടക്കും. 29ന് രാവിലെ 8ന് ബാന്ഡ്മേളം കോതമംഗലം സെന്റ് ജോര്ജ്ജ് സ്കൂളിലും 9.30ന് സെന്റ് അഗസ്റ്റിന്സ് സ്കൂളില് ചവിട്ടുനാടകവും 10മുതല് സെന്റ് അഗസ്റ്റിന്സ്-മാര്ബേസില് സ്കൂളുകളുടെ വിവിധ വേദികളിലായി രചനാമത്സരങ്ങളും നടക്കും. ജനുവരി 1ന് വൈകിട്ട് 6.30ന് മാര്ബേസില് സ്കൂള് ഓഡിറ്റോറിയത്തില് ടി.യു. കുരുവിള എംഎല്എ സമാപനസമ്മേളനം ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് റഷീദ സലിം അദ്ധ്യക്ഷത വഹിക്കും.
