കോട്ടയം: വിശ്വകര്മ്മ സമുദായത്തെ അവഗണിക്കുകയും അധികാരത്തില്നിന്നും അകറ്റി നിര്ത്തുകയും ചെയ്ത മുന്നണികളുടേയും പ്രമുഖ രാഷ്ട്രീയ പാര്ട്ടികളുടെയും പ്രധാന നേതാക്കന്മാര് മത്സരിക്കുന്ന നിയമസഭാ മണ്ഡലങ്ങളില് സ്ഥാനാര്ത്ഥികളെ നിര്ത്തി തങ്ങളുടെ രാഷ്ട്രീയ ശക്തി തെളിയിക്കുമെന്ന് കോട്ടയത്തു കൂടിയ വിശ്വകര്മ്മ മഹാസഖ്യം സംസ്ഥാന നേതൃയോഗം തീരുമാനിച്ചു. വിശ്വകര്മ്മ മഹാസഖ്യത്തിന്റെ ആഭിമുഖ്യത്തില് ഫെബ്രുവരി 28ന് തിരുവനന്തപുരത്ത് വിശ്വകര്മ്മ മഹാസംഗമം നടത്തും. ഇതിന് മുന്നോടിയായി സ്വാഗതസംഘം രൂപീകരണയോഗം ഡിസംബര് 30ന് കോട്ടയത്തു നടത്തും.മഹാസഖ്യം സംസ്ഥാന പ്രസിഡന്റ് എം. സുകുമാരന് ആലാചരിയുടെ അദ്ധ്യക്ഷതയില്കൂടിയ യോഗത്തില് ജനറല് സെക്രട്ടറി റ്റി. കെ. സോമശേഖരന് സംഘടനാ റിപ്പോര്ട്ട് അവതരിപ്പിച്ചു. ചെയര്മാന് ഡോ. പി.എന്. ശങ്കരന്, വിജയന് കെ. ഈരേഴ, എം.കെ. ദാസപ്പന്, സി. കൃഷ്ണന്കുട്ടി, അഡ്വ. പള്ളിപ്പാട് രവീന്ദ്രന്, മുരളീദാസ് സാഗര്, വി. ചിദംബരം, പി.ജി. മുരുകന് ആചാരി, ആചാര്യ ഗോപാലകൃഷ്ണന് തുടങ്ങിയ നേതാക്കള് പ്രസംഗിച്ചു. വിശ്വകര്മ്മജരുടെ രാഷ്ട്രീയ കാര്യസമിതി ചെയര്മാനായി കെ.കെ. ഹരിയെ തെരഞ്ഞെടുത്തു.
തെരഞ്ഞെടുക്കപ്പെട്ട മണ്ഡലങ്ങളില് മത്സരിക്കും: വിശ്വകര്മ്മ മഹാസഖ്യം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.