കൊച്ചി: ഹിന്ദുമതം ലോകമതങ്ങളുടെ മാതാവാണെന്നും മറ്റ് മതങ്ങള്‍ ലൗകികതയ്‌ക്ക് ഊന്നല്‍ കൊടുക്കുമ്പോള്‍ ഹിന്ദുമതം ആദ്ധ്യാത്മികതക്ക് പ്രാധാന്യം കൊടുക്കുന്നുവെന്നും രാഷ്‌ട്രീയ സ്വയംസേവകസംഘം മുന്‍ അഖിലഭാരതീയ ബൗദ്ധിക് പ്രമുഖ് ആര്‍.ഹരി. ഇടപ്പള്ളി മാതാ അമൃതാനന്ദമയീമഠം ബ്രഹ്മസ്ഥാനത്ത് നടന്ന വിഎച്ച്പി സംസ്ഥാന കാര്യവിഭാഗ് ശിബിരത്തില്‍ സംസാരിക്കുകയായിരുന്നു അദ്ദേഹം. ആലുവ അദ്വൈതാശ്രമം സെക്രട്ടറി സ്വാമി ശിവസ്വരൂപാനന്ദ ഉദ്ഘാടനം ചെയ്തു. വിഎച്ച്പി സംസ്ഥാന അദ്ധ്യക്ഷന്‍ എസ്.ജെ.ആര്‍. കുമാര്‍ അദ്ധ്യക്ഷത വഹിച്ചു.
ആര്‍എസ്എസ് പ്രാന്ത സഹകാര്യവാഹക് എം. രാധാകൃഷ്ണന്‍ സംസാരിച്ചു. മാതൃശക്തി, ദുര്‍ഗ്ഗാവാഹിനി, സത്സംഗം, ആചാര്യന്മാര്‍, സേവ, ബാല-ബാലികാശ്രമത്തിലെ കുട്ടികള്‍ എന്നിവരുള്‍പ്പെടെ 1500ഓളം ശിബിരാര്‍ത്ഥികള്‍ പങ്കെടുത്തു. വിവിധ വിഷയങ്ങളെ ആസ്പദമാക്കി സീമാജാഗരണ്‍മഞ്ച് അഖിലേന്ത്യ സംയോജക് എ.ഗോപാലകൃഷ്ണന്‍, സംസ്ഥാന സദസ്യന്‍ കെ.കൃഷ്ണന്‍കുട്ടി, സാമൂഹ്യസമരസത പ്രമുഖ് വി.കെ. വിശ്വനാഥന്‍, വിഎച്ച്പി ക്ഷേത്രീയ കാര്യദര്‍ശി കെ.എന്‍. വെങ്കിടേശ്വരന്‍, സംസ്ഥാന വൈസ് പ്രസിഡന്റ് വി.ആര്‍. രാജശേഖരന്‍, വിന്‍ വേള്‍ഡ് ഫൗണ്ടേഷന്‍ ഡയറക്ടര്‍ അഡ്വ. ജയസൂര്യ, ബ്രഹ്മചാരി മനോജ് സ്വാമി എന്നിവര്‍ ക്ലാസ്സെടുത്തു. ലോകത്തിലെ ഏറ്റവും വേഗതയേറിയ രേഖാചിത്രകാരന്‍ അഡ്വ. അജിത്തും സംഘവും ഭാരതദര്‍ശന്‍ വരവേഗവിസ്മയം എന്ന വിഷയത്തിലൂടെ മഹത് വ്യക്തികളുടെ ചിത്രം നിമിഷനേരം കൊണ്ട് കാണ്‍വാസില്‍ പകര്‍ത്തി വിസ്മയം തീര്‍ത്തു. സമാപന സമ്മേളനത്തില്‍ വിഎച്ച്പി ധര്‍മ്മപ്രസാര്‍ പ്രമുഖ് സുധി അദ്ധ്യക്ഷത വഹിച്ചു. സംസ്ഥാന വൈസ് പ്രസിഡന്റ് കെ.പി. നാരായണന്‍ സമാപനസന്ദേശം നല്‍കി.
സംസ്ഥാന ട്രഷറര്‍ ശ്രീനിവാസപ്രഭു, സേവാപ്രമുഖ് രാധാകൃഷ്ണന്‍, പ്രചാര്‍ പ്രമുഖ് എന്‍.ആര്‍.സുധാകരന്‍, ബജരംഗ്ദള്‍ സംയോജക് രവീന്ദ്രന്‍, ദുര്‍ഗ്ഗാവാഹിനി സംയോജിക സി.ബിന്ദു എന്നിവര്‍ സംസാരിച്ചു. സ്വാഗതസംഘം ചെയര്‍മാന്‍ എം.കെ. ഗോപിനാഥ്, ജനറല്‍ കണ്‍വീനര്‍ എസ്.അജിത്ത്, ജോ.ജനറല്‍ കണ്‍വീനര്‍മാരായ അരവിന്ദാക്ഷന്‍, എ.ടി. സന്തോഷ്, കണ്‍വീനര്‍മാരായ കൃഷ്ണകുമാര്‍, സുധന്‍, വിമല്‍, ചന്ദ്രന്‍, രാധാകൃഷ്ണന്‍, ജയശങ്കര്‍, ഗംഗാധരന്‍, ജയന്‍, മുരളി പാലാരിവട്ടം, ഗിരീഷ് എന്നിവര്‍ ശിബിരത്തിന് നേതൃത്വം നല്‍കി.
