മൂവാറ്റുപുഴ: കേരളത്തിലെ ആദ്യ പ്രൊഫെഷണല് ഫ്രാഞ്ചെസി ഫുട്ബോള് ലീഗായ കേരള സൂപ്പര് ലീഗ് എറണാകുളം ഫ്രാഞ്ചെസി മൂവാറ്റുപുഴ ഫുട്ബോള് ക്ലബ്ബിന് ലഭിച്ചു. ഔേദ്ദ്യാഗിക പ്രഖ്യാപനം ഇന്ന് മൂവാറ്റുപുഴ കബനി ഇന്റര് നാഷണല് ഓഡിറ്റോറിയത്തില് നടക്കുമെന്ന് മൂവാറ്റുപുഴ ഫുട്ബോള് ക്ലബ്ബ് പ്രസിഡന്റ് എല്ദോ ബാബു വട്ടക്കാവില് ജനറല് സെക്രട്ടറി ഹനീഫ രണ്ടാര്, ജോ.സെക്രട്ടറി ഫഹദ് ബിന് ഇസ്മായില് എന്നിവര് അറിയിച്ചു. ഏഷ്യന് ഫുട്ബോള് കോണ്ഫെഡറേഷന്റെയും ഓള് ഇന്ത്യാ ഫുട്ബോള് ഫെഡറേഷന്റെയും ലൈസന്സുള്ള കേരളത്തില് നടക്കാന് പോകുന്ന ആദ്യ ഫുട്ബോള് ലീഗാണ് കേരള സൂപ്പര് ലീഗ്. ജില്ലാ ആസ്ഥാനങ്ങളില് നിന്നുള്ള എട്ട് ടീമുകളാണ് ടൂര്ണമെന്റില് പങ്കെടുക്കുക. ഫെഡ് ലൈറ്റു സ്റ്റേഡിയത്തില് നടക്കുന്ന മത്സരങ്ങള് ദേശിയ മാധ്യമങ്ങളിലടക്കം തത്സമയ സംപ്രേക്ഷണവുമുണ്ടാകും. മുന് ഇന്ത്യന് ക്യാപ്റ്റന് ഐ.എം. വിജയന്, നോര്ത്ത് ഈസ്റ്റേണ് യുണൈറ്റഡിന്റെ ഗോള് കീപ്പര് ടി.പി. രഹനേഷ്, സ്റ്റാര് സ്പോര്ട്സ് കമന്ററേറ്റര് ഷൈജു ദാമോദരന്, കെ.എഫ്.എ ജനറല് സെക്രട്ടറി പി. അനില് കുമാര്, ജോസഫ് വാഴക്കന് എംഎല്എ, നഗരസഭ ചെയര്പേഴ്സന് ഉഷ ശശിധരന് എന്നിവര് പങ്കെടുക്കും.
കേരള സൂപ്പര് ലീഗ് ഫ്രാഞ്ചെസി മൂവാറ്റുപുഴ ഫുട്ബോള് ക്ലബ്ബ്; ഔദ്ദ്യോഗിക പ്രഖ്യാപനം ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.